LEXO PA REKLAMA!

SHKARKO APP

"Objektiv me vlerë të lartë"/ Media spanjolle, detaje për arresimin e Josifit: Lidhje të forta politike në Shqipëri

15 Shtator 2023, 10:44, Aktualitet CNA

"Objektiv me vlerë të lartë"/ Media spanjolle, detaje

Media e njohur spanjolle "El Pais" ka dhënë detaje të reja në lidhje me Amant Josifin, ish-këshilltarin e Olta Xhakës dhe ortakun e Olsi Ramës. 

Në artikull nënvizohet se ai është arrestuar më 6 shtator nga policia në Dubai dhe akuzohet se me rrjetin e tij në Evropë ka mashtruar rrthe 17 mijë persona në Spanjë. 

Sipas "El Pais", Josifi është cilësuar nga autoritetet si një objektiv “me vlerë të lartë”. 

Në shkrim nënvizohet se ish-këshilltari i Xhaçkës është pronar i disa "call center"-ave në Shqipëri, nga ku policia dyshon se viktimat janë telefonuar për të ofruar investime false.

Ndaj tij gjykata spanjolle kishte lëshuar një urdhër-arresti ndërkombëtar për krimet e organizatës kriminale dhe mashtrimit, ndërsa ai i kishte shpëtuar operacionit ndërkombëtar të zhvilluar në nëntor të vitit që shkoi. 

Media spanjolle thekson se Josifi është një biznesmen i njohur në Shqipëri, me lidhje të forta politike.

Ajo shton se arrestimi i tij ka shkaktuar një tërmet në vendin tonë, dhe se Josifi ka shërbyer si këshilltar i Ministrisë së Mbrojtjes në periudhën 2018-2020.

Një nga avokatët e tij në Spanjë tha për gazetën spanjolle, se ai është thjesht një biznesmen, e se i kishte marrë me qira Call Center-at dhe se nuk dinte se çfarë aktiviteti kryhej aty.

‘Pavarësisht kësaj, Josifi nuk është paraqitur para autoriteteve që po e kërkonin. Avokati i tij kërkoi paraqitjen e tij në këtë çështje dhe të mund të dëshmonte me videokonferencë.’- shkruan El Pais.

Policia thotë se rrjeti kriminal ka fituar nëpërmjet mashtrimit rreth 2.4 miliardë euro, duke mashtruar mijëra qytetarë nga vende të ndryshme të BE-së.

 

Lajmet e fundit nga