web counter
LEXO PA REKLAMA!

SHKARKO APP

App Store
Google Play

Gazetari hedh hije dyshimi/ Amant Josifi, i pajisur me certifikatë sigurie të niveleve më të larta?

14 Shtator 2023, 21:49, Aktualitet CNA
Gazetari hedh hije dyshimi/ Amant Josifi, i pajisur me certifikatë sigurie
Fotomontazh - Amant Josifi dhe Olta Xhaçka

Gazetari Erl Murati ka hedhur dyshime të forta, teksa ka folur për Amant Josifin, ish-këshilltarin e ish-ministres Olta Xhaçka, i cili u arrestua në Dubai për mashtrime me “Call Center”-at.

Murati tha se Josifi ka qenë i mbrojtur politikisht, duke qenë se Xhaçka, gjatë kohës që ka qenë ministre e Mbrojtjes e emëroi këshilltar për NATO-n.

Ai deklaroi në një intervistë me Sonila Meçon se ish-këshilltari i ministres mund të ketë qenë i pajisur me certifikatë sigurie të niveleve të larta.

“Ajo që është e rëndë dhe dekonspiron mbrojtjen politike të qeverisë është emërimi si këshilltar i ministres së Mbrojtjes.

Unë supozoj që ky njeri ka pasur certifikatë sigurie të niveleve më të larta duke qënë se ka qënë Këshilltar Politik Diplomatik i ministres së Mbrojtjes, këshilltar për NATO-n.

Pyetja e parë që lind mirëfilltë është se merret me biznes dhe mund të këshillojë Ministren e Mbrojtjes për NATO-n. Nuk ka një karrierë në shtet, politike, në fushën e mbrojtjes, nuk është ekspert as i NATO-s as i mbrojtjes.

Bëhet fjalë për një individ, për mikun apo partnerin e vëllait të kryeministrit i cili emërohet në një nga postet e Ministrisë së Mbrojtjes pa qënë dhe pa pasur as eksperiencën më minimale në doktrinën e strukturave të mbrojtjes dhe as i NATO-s.

Këtu kemi të bëjmë me një tentativë që atij i është dhënë një mbrojtje dhe një imunitet që Amant Josifit me gjasë i është dhënë se ka qënë miku dhe partneri në biznes i vëllait të kryeministrit, Olsi Ramës”, theksoi gazetari./ CNA





Lajmet e fundit nga