LEXO PA REKLAMA!

SHKARKO APP

“Çështja Partizani”/ Seanca në Apelin e GJKKO për Berishën dhe thirrja në SPAK

19 Nëntor 2023, 21:19, Aktualitet CNA
“Çështja Partizani”/ Seanca në Apelin e GJKKO
Ish-kryeministri, Sali Berisha. 

“Çështja Partizani” vijon të jetë ndër çështjet më të nxehta që ka dhe vëmendjen e opinionit publik.

Ditën e nesërme në orën 09:00, është caktuar seanca gjyqësore në Apelin e GJKKO për ish-kryeministrin, Sali Berisha. 

Apeli do të vendosë për masën e sigurisë ndaj ish-kryeministrit të vendit, lidhur me hetimet për dosjen “Partizani”.

Po ashtu ditën e nesërme, SPAK i ka kërkuar Berishës që të paraqitet në këtë institucion në orën 10:00.

Siç edhe e kemi parë deri më tani, Berisha ka refuzuar që të paraqitet për të dhënë dëshminë e tij, por nuk dihet me siguri nëse do të bëjë të njëjtën gjë dhe ditën e nesërme.

Nëse Apeli pranon ankimimin e avokatëve dhe rrëzon masën e sigurisë, atëherë thirrja e Berishës në SPAK bëhet e pavlefshme, ndërsa nëse Apeli lë në fuqi vendimin ndaj tij, dhe ish-kryeministri nuk paraqitet, atëherë SPAK mund të kërkojë autorizim në Kuvend./ CNA

Lajmet e fundit nga