LEXO PA REKLAMA!

SHKARKO APP

Opozita në aksion, maxhoranca për projektbuxhetin/ Çfarë pritet të ndodhë nesër në Parlament?

19 Nëntor 2023, 19:23, Aktualitet CNA
Opozita në aksion, maxhoranca për projektbuxhetin/ Çfarë
Parlament

Opozita është e vendosur për të mos lejuar zhvillimin e seancave plenare deri në realizimin e tre kërkesave të tyre.

Deputetët e opozitës shprehen të vendosur për qëndresën e tyre dhe vijimin e aksionit opozitar.

Seanca e radhës do zhvillohet këtë të hënë 20 nëntor 2023 dhe do të nisë në orën 10:00.

Ndër pikat më të rëndësishme që pritet të diskutohen në rendin e ditës është projektbuxheti i vitit 2024.

Socialistët kanë deklaruar se as protesta dhe as ngujimi i demokratëve në Parlament nuk do t’i pengojë për ta votuar pr/buxhetin.

Deputeti i Partisë Demokratike Bledion Nallbati  than ë një intervistë se  greva është një opsion për të ndaluar socialistët që të kalojnë buxhetin në Kuvend, pasi ka qenë dhe mbetet pjesë e diskutimeve në tavolinë të deputetëve demokratë.

“Do të ketë një aksion që nuk do të ndalojë dhe do të përshkallëzohet deri sa mazhoranca ti njohë opozitës të drejtat legjitime që i jep Kushtetuta. Unë jam i gatshëm jo vetëm për atë por për të gjitha opsionet që grupi do të marrë vendim për të vazhduar aksioni opozitar. Është një opsion që është diskutuar, por do të jetë nesër apo në një moment tjetër, apo nuk do të jetë e nevojshme, pasi unë shpresoj që mazhoranca të reflektojë dhe të mos jetë e nevojshme për të arritur në këtë pikë, do të ishte mirë. Por mbetet opsion pa diskutim”, tha Nallbati./ CNA

Lajmet e fundit nga