LEXO PA REKLAMA!

SHKARKO APP

E fundit!

x

Thirrja dhe paralajmërimi për tifozët: Hiqni dorë nga përdorimi i mjeteve piroteknike

19 Nëntor 2023, 11:55, Aktualitet CNA
Thirrja dhe paralajmërimi për tifozët: Hiqni dorë nga
Foto ilustruese

Ministri i Brendshëm, Taulant Balla, në prag të ndeshjes Shqipëri-Ishujt Faroe, që do të luhet ditën e nesërme në stadiumin "Air Albania", u ka bërë thirrje tifozëve që të heqin dorë nga nga përdorimi i flakadanëve, lëndëve piroteknike apo çdo akt tjetër i dënueshëm penalisht.

“Të nderuar mbështetës të ekipit kombëtar që do të ndiqni nesër ndeshjen e futbollit mes Shqipërisë dhe Ishujve Faroe, në Stadiumin Air Albania, apo në mjedise të tjera publike, ju lutem respektoni ligjet e Republikës së Shqipërisë dhe rregullat e vendosura nga UEFA dhe nga Policia e Shtetit. Gjithashtu ripërsërisim thirrjen të hiqni dorë nga përdorimi i flakadanëve, lëndëve piroteknike apo çdo akt tjetër i dënueshëm penalisht. Organizatorët kanë marrë të gjitha masat për një festë të madhe dhe të bukur mbarëkombëtare”, ka shkruar Balla.

Po ashtu Policia e Shtetit ka marrë masa të forta për mbarëvajtjen e ndeshjes, duke renditur një sërë udhëzimesh për tifozët që nuk duhet të shkelen pasi mund të përballen me masa administrative./ CNA

Lajmet e fundit nga