web counter
LEXO PA REKLAMA!

SHKARKO APP

App Store
Google Play

E fundit!

x

"Nikolla urdhër për rrethimin e Kuvendit"/ Bardhi: Nuk ka gardist të pengojë opozitën

18 Nëntor 2023, 15:23, Aktualitet CNA
"Nikolla urdhër për rrethimin e Kuvendit"/ Bardhi: Nuk ka
Gazment Bardhi, kreu i grupit të PD-së

Kreu i grupit parlamentar të PD-së Gazment Bardhi ka bërë me dije se, kryeparlamentarja Lindita Nikolla ka dhënë urdhër që garda të rrethojë Kuvendin të hënën që do të zhvillohet seanca parlamentare për projektbuxhetin e vitit 2024.

Bardhi është shprehur se është njoftuar sot për urdhrin e paligjshëm të Nikollës ndërsa ka theksuar se nuk ka gardist që mund të pengojë opozitën.

"Nikolla urdhër për rrethimin e Kuvendit"/ Bardhi: Nuk ka

“Sot jemi njohur me urdhrin e paligjshëm të Lindita Nikollës për të rrethuar të hënën sallën e seancave plenare me forcat speciale të Gardës së Republikës, duke shpallur kështu zyrtarisht shtetin personal autokrat të Edi Ramës.

Siç shihet edhe në foton bashkëlidhur Garda e Republikës është urdhëruar të bëjë “provat” gjatë ditës së sotme sesi do të rrethojnë deputetët e opozitës gjatë seancës plenare të së hënës!

Duke dënuar me forcë këtë degradim të regjimit të Edi Ramës, duam të sigurojmë se nuk ka gardist e polic që mund të pengojë dhe intimidojë opozitën në misionin për të kthyer parlamentarizmin dhe për të mbrojtur të drejtat kushtetutese të opozitës.

Një Parlament, ku deputetët rrethohen nga forcat e sigurisë gjatë vendimmarrjes së tyre, nuk mund të jetë kurrë Parlamenti i një vendi demokratik, anëtar i NATO-s dhe vend kandidat për në BE.

Është akt i paprecedent në 32 vite demokraci, shndërrimi i sallës së Kuvendit nga salla e përfaqësuesve të qytetarëve, në sallën e gardistëve qeveritar. Ky Parlament është turpi i Shqipërisë, njëlloj si qeverisja e korruptuar e Edi Ramës”, deklaron Bardhi./ CNA





Lajmet e fundit nga