LEXO PA REKLAMA!

SHKARKO APP

Korrupsioni i efektivëve të policisë në Morinë/ Si u favorizua këngëtarja Zaimina Vasjari

11 Prill 2022, 07:57, Aktualitet CNA
Korrupsioni i efektivëve të policisë në Morinë/ Si u

Në përgjimet që zbuluan korrupsionin e efektivëve të policisë në pikën kufitare të Morinës, ku u vunë në pranga disa punonjës, ka dalë edhe emri i këngëtares së njohur, Zaimina Vasjari.

Sipas BW, Vasjari do të kalonte në kufi bashkë me fëmijët e saj, por pa prokurën e bashkëshortit.

Vasjari udhëtonte paraditen e 2 janarit drejt Kosovës, dhe nga biseda e zbardhur rezulton se do të kthehej më 4 janar nga Kosova.

“Në datë 02.01.2022 ora 10:57 në aplikacionin Ëhatsapp shtetasi i regjistruar me emrin ?Tani Durres? i thotë, Laertit Sulos me sms: ??është nusja e një shoku të ngushtë me kalamajtë aty në Morinë po s?ka prokurë Zajmina Vasjari?

Laerti: Kur do kthehet:

Tani: Ja ta pyes? dy ditë datë 4 ka kthimin?

Laerti: Ok çfarë makine ka ose jepi nr tim të flas me të??

Tani: ?Renxh Rover ?AA001UD??

Laerti: Ok.

Menjëherë më pas ora 11:00 Laert Sulo ja kalon me mesazh targën e automjetit të shtetases si porosi për ta ndihmuar punonjesit të policisë Emilton Asllanaj me detyrë përgjegjës turni në P.K.K Morine duke i thënë:

Laert Sulo: Ndihmoje pak është duke ikur për në Kosovë, duhet ta njohësh  Zajmina Vasjari?

Emiltoni: Jepi nr tim.

Nga verifikimi në sistemin TIMS rezulton se shtetasja Zaimina Vasjari ka kryer dalje nga Republika e Shqipërisë  në datë 02.02.2022 dhe ka hyrë në datë 04.02.2022, duke kaluar kufirin me mungesë dokumentacioni Prokurore për fëmijet e mitur, duke u favorizuar dhe ndihmuar nga punonjësi i policisë Emilton Asllanaj kundrejt porosisë të marrë nga shefi i stacionit Laert Sulo. Po ashtu, nga verifikimi në sistemin TIMS rezultojnë të regjistruar edhe dy fëmijët e saj të mitur”, thuhet në dosje./ CNA.al

Lajmet e fundit nga