LEXO PA REKLAMA!

SHKARKO APP

“Sillet sikur ka ardhur nga Korea e Veriut”/ Berisha: Basha zhgënjeu rininë, nuk respekton normat

12 Nëntor 2021, 17:29, Politikë CNA
“Sillet sikur ka ardhur nga Korea e Veriut”/ Berisha: Basha

Lideri historik i PD, Sali Berisha është shprehur se Lulzim Basha nuk e udhëheq dot partinë. Sipas Berishës,  Basha ka zhgënjyer të rinjtë, të përndejkurit politikë, pasi tentoi të tërhiqte partinë nga qendra e djathtë në të majtë.

Ish kryeministri thekson se edhe pse Basha është shkolluar në perëndim sillet sikur të ketë ardhur nga Korea e Veriut dhe se nuk respekton asnjë nga normat e PD-së.

?Ne si PD për arsye të njohura po kalojmë një krizë të thellë. Në 8 vite kryetari që e mbështetëm të gjithë me mundësitë tona më të mëdha, janë derdh lumenj djerese, unë frymëzohem dhe mahnitem nga djersa dhe mundi i madh që kanë derdh demokratët për PD.

Problemi është se ai që drejtonte partinë, nuk e udhëhiqte këtë forcë politke. U përpoq të kalonte partinë nga parti e qendrës së djathtë, në të majtë. Kjo zhgënjeu të përndjekurit politikë. Zhgënjeu rininë që nuk gjente idealet e veta te kjo parti. Zhgënjyen nënat dhe motrat që përcjellin fëmijët e tyre nëpër botë. 620 mijë votuan partinë demokratike. Më pak se 100 mijë votuan kryetarin se nuk i frymëzonte, nuk e besonin. Ky njeri i shkolluar në perëndim sillet sikur të kishte ardhur nga Korea e Veriut. Nuk respekton asnjë nga normat e PD. Përpiqet të mos legjitomjë nismën tuaj, frikë e tmerr për firmat pse si sollët?, tha Berisha./ CNA.al

Lajmet e fundit nga