E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

PD do bëhet më e fortë/ Pse mbledhja e Kuvendit Kombëtar është një domosdoshmëri

12 Nëntor 2021, 13:52, Politikë CNA

Deputeti I PD, Tritan Shehu e ka cilësuar si një domosdoshmëri mbledhjen e Kuvendit Kombëtar.

Në një postim në rrjetet sociale, Shehu shkruan se me situatën ku ndodhet PD, do të duhej të ishte vetë Basha, që ta kërkonte mbledhjen e Kuvendit, si të vetmen mundësi të tejkalimit në mënyrën më pozitive, civile, kolegjiale të krizës.

Sipas Shehut, pas kësaj, PD do të dalë më e fortë dhe më e bashkuar, për të rrëzuar regjimin e kryeministrit Edi Rama.

?Kuvendi Kombëtar i PD një domosdoshmëri tashmë jo vetëm politike.

Një domosdoshmëri aktualisht edhe statuore, që kur janë depozituar 4200 kërkesat e delegatëve, që e kërkojnë…në fakt do bëhen më shumë.

Duhej të ishte vetë lidershipi i PD ta kërkonte mbledhjen e Kongresit, si të vetmen mundësi të tejkalimit në mënyrën më pozitive, civile, kolegjiale të krizës, që po kalon PD.

Kjo për të ndërmarrë hapat e domosdoshëm për të bashkëjetuar së bashku edhe në diversitetet tona, duke forcuar rolin e anëtarësisë, të degëve, votën brenda nesh.

Duke sanksionuar edhe fraksionet, që une i kam kërkuar që prej 1999.

Kongresi është një moment reflektimi si politikanë të formuar tashmë, pikërisht për të ndërmarrë këto vendime për të nesërmen, përmirësuar statutin etj..

Kongreset, referendumet në parti janë mekanizma demokratike dhe zhvillohen sa herë është e nevojshme.

Te 4200 kërkesat janë depozituar në PD, pranë Kryetarit të Këshillit Kombëtar, pra pranë një nga forumeve më të larta e gjithë përfshirëse.

Kush dëshiron nga lidershipi i PD mund të njihet me ato, me emrat, funksionet, ID e nënshkruesve, të verifikojë çfarë e si të dëshirojë ato.

Vetëm ID nuk mund të bëhen publike për mediat.

Kryesia e PD mund të ngarkojë edhe një grup për këtë, dokumentat janë në selinë e PD.

Duhet të dalim nga disa ngërçe formale e vogëlsira “burokratike”.

Këtu duhet të prevalojë logjika politike, vullneti e vizioni politik për këtë aktivitet shumë të rëndësishëm politik, të domosdoshëm, pa ngelur peng i disa artificave pa vlerë.

Këtu nuk kemi të bëjmë me depozitimin e “patateve” në një “magazinë” me “magazinier”, kemi të bëjmë me aksione politike nga më seriozet.

Pra duhet të tregohemi seriozë si politikanë me vizion tashmë, jo të biem në nivelin e mentalitetit të një “inventarizuesit”.

Pa dyshim verifikimi siç thashë mund të bëhet. Ai final do të bëhet nga Komisioni i Verifikimit të Mandateve para Kuvendit, me seriozitet e transparencë të plotë.

Ky është një kongres i ndryshëm nga të zakonshmit që ne kemi organizuar deri tani.

Në bazë të statutit këtë e thërret antarësia, delegatët.

Nuk e thërret përfaqësia e partisë e lidershipi aktual, siç ka ndodhur deri më sot.

Lidershipi nuk arriti ta bëjë këtë hap të rëndësishëm, prandaj tani fjalën e ka antarësia e Kuvendit.

Pra shumë nga rregullat janë të ndryshme këtë herë, por jane e do të jenë në përputhje me statutin e frymen e tij, me parimet e demokratike, me ato të PPE.

Kjo është një risi e shëndetshme për PD e rrugen e saj të mëtejshme politike.

Dhe të jeni të sigurtë, që kështu nesër do të jemi më të fortë e në gjendje të përmbysim këtë regjim, që po shkatërron vendin.?-shkruan Tritan Shehu./CNA.al