Pse Gaz Bardhi i ka duart e lyera me gjak?

12 Nëntor 2021, 13:01, Politikë CNA

Demokratët njëzëri po kërkojnë ringritjen e Partisë Demokratike dhe largimin urgjent të Lulzim Bashës.

Mbi 4 200 firma janë mbledhur në thirrje të Kuvendit Kombëtar të PD-së dhe kjo ka sjellë panik tek Lulzim Basha dhe kurtizanët e tij.

Gazment Bardhi, njeriu që mban postin numër dy në PD, i cili është përfshirë në debatin e thirrjes së Kuvendit, duhet të paktën të qartësojë veten se Kuvendi Kombëtar i PD-së, nuk është si ngjarja kriminale e Elbasanit, ku ai është përgjegjës i saj.

Është përgjegjës së pari moralisht sepse ka qenë drejtuesi i shtabit elektoral në Elbasan dhe është njeriu që mori njerëz të armatosur me vete në fushatë.

U derdh gjak në Elbasan, nga duart e Gaz Bardhit. Pasi ishte Gaz Bardhi që i krijoi ato grupe aty.

Ndaj, Gazment Bardhi përpara se të flasë për Kuvendin apo për individë të caktuar në Partinë Demokratike, duhet të sqarojë historinë e tij me ngjarjen e rëndë në Elbasan.

Njeriu që bën si trim dhe kërcet dhëmbët nuk mund të fshihet pas militantëve të PD-së apo njerëzve, të cilët ishin gati të jepnin edhe jetën për të mbrojtur votën, që Partia Demokratike të fitonte.

Gazment Bardhi nuk mund t?i çojë njerëzit mish për top, siç bëri në Elbasan.

Sepse, jo vetëm u humb një jetë, por dhe një jetë tjetër do të qëndrojë pas hekurave, do? ti mungojë një familjeje, biri i saj, do t?u mungojë fëmijëve babai i tyre.

E gjitha kjo sepse, Gazment Bardhi në vend që të bëjë politikanin, bën të fortin, gangsterin, sepse është mësuar me stillin alla-Luli se duke ushtruar presion dhe shantazh ndaj njerëzve dikush mund të bëjë pas.

Në fakt ajo që po bën Gaz Bardhi është thjesht dhe vetëm se po përpiqet të shpëlajë duart që ka me gjak.

Ndoshta mendon se do të shpëtojë nga drejtësia e vërtetë për ngjarjen e Elbasanit duke u sjellë si pro-amerikan.

Nuk ka Amerikë, nuk ka Lulzim Bashë dhe nuk ka drejtësi në botë që ta shpëtojë Gaz Bardhin në rast se ajo ngjarje do të hetohet.

Apo, në rast se ndonjë nga ata djemtë atje tregon se kush është Gazment Bardhi, se si i përdori shtabet elektorale në Elbasan.

Është shumë e rëndësishme, që jo vetëm ai por edhe shumë të tjerë atje, njerëz të përfshirë në skandale, në çështje kriminale në fushatë elektorale të dinë mirë se PD nuk mund të bëhet mburojë e një bande politike dhe e njerëzve të inkriminuar apo të atyre që kanë lyer duart me gjak.

PD është forcë politike, është shpresë e shqiptarëve dhe nuk i shërben dot Gazit për aktet e tij politike apo për qejfet e tij të natës./CNA.al