web counter
LEXO PA REKLAMA!

SHKARKO APP

App Store
Google Play

“Luan me një viktimë si Gaz Bardhi”/ Nard Ndoka zbulon teatrin e Bashës: Është e turpshme

12 Nëntor 2021, 11:22, Politikë CNA

Kreu i Partisë Demokristiane, Nard Ndoka e ka cilësuar teatër, atë që sipas tij po bën kreu në detyrë i Partisë Demokratike, Lulzim Basha.

I ftuar në emisionin “Breaking”, në Top News, Nard Ndoka është shprehur se ajo që po ndodh në Partinë Demokratike aktualisht është një turp dhe një skenë teatrale teksa para shqiptarëve po paraqiten qesharakë.

“Është një turp, teatër ajo që po luan Basha me një viktimë si Gaz Bardhi. Duhet t’ua kursenin shqiptarëve. Janë bërë qesharak në sytë e qytetarëve. Une nuk do e lejoja kurrë të ndodhte në partinë e vogël që kam dhe jo më në partinë më të madhe opozitare.“- tha Nard Ndoka.

Ndërkohë që nga ana tjetër gazetari Bledian Koka, sa i përket pozicionit të Edi Palokës aktualisht është shprehur se ky i fundit e ka sqaruar vendin e vetë dhe është mes dy palëve i barazlarguar për të sqaruar situatën.
Ndërkohë që Koka është shprehur se vetë Paloka nuk ka si të njoh të gjithë firmëtarët.

“Paloka e ka sqaruar vetë pozicionin. Kryetari i Këshillit kombëtar,zyra e Palokës është e barazlarguar nga dy palët. Ka mbetur dhe një institucion që mund të bëjë ndryshimin dhe ai është Këshilli Kombëtar. Basha ndoshta nuk e kishte parë këtë. I gjithë ky debat që po bëjmë tani është banalitet i madh. Sepse vetëm pak ditë unë pash zotin Bardhi dhe zotin Basha që të kapëridinë atë që kanë thënë vetë.”– tha Koka./CNA.al





Lajmet e fundit nga