LEXO PA REKLAMA!

SHKARKO APP

App Store
Google Play

Firmat për mbledhjen e Kuvendit Kombëtar/ Basha: Mbajtja sekret e tyre një fyerje për çdo demokrat

12 Nëntor 2021, 16:25, Politikë CNA
Firmat për mbledhjen e Kuvendit Kombëtar/ Basha: Mbajtja sekret e tyre

Kryetari i opozitës Lulzim Basha ka treguar se cili është qëndrimi i tij në lidhje me firmat e mblehdura për Kuvendin Kombëtar.

Në një intervistë për gazetarin Robert Rakipllari në Neës 24, Basha është shprehur se çdo firmë që është mbledhur duhet të verifikohet.

Sipas Bashës është jetike që të gjitha përcaktimet statutore që janë të qarta dhe janë shpjeguar këto dy ditë në mënyrë shteruese nga institucionet e partisë të zbatohen

“Ky është një moment shumë i rëndësishëm për PD, për mua personalisht dhe këtu nuk bëhet fjalë për letra, por për demokratët, për të gjithë demokratët, për anëtarët e PD, për votuesit tanë dhe për shqiptarët që na ndjekin. Për mua nëse aty ka 5 ? 50 apo 500 firma të vlefshme, nuk janë firma, nuk janë letra, por janë demokratë dhe është detyra ime si kryetar i PD, të garantoj që të gjithë secila prej tyre të verifikohet sipas statutit, që është libri themeltar që mban bashkë demokratët. Është kushtetuta që kanalizon vullnetin e çdo demokrati, mbron të drejtat e çdo demokrati është ajo që mundëson funksionim e PD, si një parti demokratike si kudo në planet. Pa funskionimin e statutit jemi në xhungël.

Ndaj është e domosdoshme për mua dhe për çdo demokrat që çdo përcaktim statutor për thirrjen e Kuvendit të respektohet përndryshe nuk është Kuvend, është një thirrje në mal apo në pyll, por vetëm kuvend jo. PD ka vepruar dhe vepron në bazë të statutit. PD nuk është nën drejtimin tim dhe nuk do të jetë një lëvizje dumbabiste. Ndaj është jetike që të gjitha përcaktimet statutore që janë të qarta dhe janë shpjeguar këto dy ditë në mënyrë shteruese nga institucionet e partisë të zbatohen, përtej kësaj dua të them që mbajtja sekret institucioneve të partisë atyre që pretendohen se janë vullnete demokratësh për të thirrur vullnetin kombëtar është një fyerje e madhe për çdo demokrat”, shprehet Basha./ CNA.al

Lajmet e fundit nga