“PD nuk e harron liderin e saj”/ Këlliçi krah Berishës: Ju jam përjetë mirënjohës

7 Nëntor 2021, 15:56, Politikë CNA

“PD nuk e harron liderin e saj”/ Këlliçi krah

Deputeti Belind Këlliçi, i cili ishte i pranishëm sot në Foltoren e ish kryeministrit Sali Berisha, ka dalë me një reagim në rrjetet sociale, ku falenderon të gjithë të rinjtë e FRPD.

Këlliçi kujton vitin 2015 kur u zgjodh kryetar i FRPD, arritjet në këto 6 viten nga anëtarësimi në organizatat ndërkombëtare, tek kthimi shpresës për rininë shqiptare.

?Ne jemi partia e lirisë, ne jemi partia që ka themeluar mendimin ndryshe dhe unë as nuk mund ta mendoja që të mos isha sot pjesë e Foltores së liderit historik Sali Berisha, shton Këlliçi.

Dua ta nis fjalën time me një falenderim për çdo të ri të FRPD që në këto 6 vite nuk kanë lënë asnjë rrugicë, lagje, fshat, qytet e pallat pa trokitur, për të kërkuar votën për PD, për të fituar zgjedhjet e për t’i rikthyer shpresën edhe njëherë rinisë shqiptare.

Nëse unë në 2015 u zgjodha kryetar forumi në një nga proceset më të rregullta të 30 viteve brenda PD, dhe sot jam deputet, jam falë jush! Dhe për këtë ju jam mirënjohës përjetë!

Mandati im nuk është i përjetshëm aspak. Por FRPD është anëtare e të gjithë organizatave ndërkombëtare, studentore dhe europiane. Ne jemi krenarë që jemi pjesë e forumit rinor të EPP. Anëtarësuam gjatë këtyrë 6 viteve forumin tonë rinor në EDS, organizatën studentore zyrtare të EPP. Jemi themeli i shtëpisë tonë, Partisë Demokratike.

Përveçse ju jeni Partia Demokratike, ju jeni pjesë e një forumi rinor që nuk e harron kurrë historinë e saj, themeluesin e saj dhe liderin e saj historik Sali Berishën.

Kushdo që tenton dhe ëndërron të vendosë një shenjë barazimi midis personit që rrëzoi diktaturën dhe narkokriminelëve – që edhe ata janë të shpallur non grata – atyre që janë në krah të Edi Ramës, e ka shumë gabim. Ne jemi partia e lirisë, ne jemi partia që ka themeluar mendimin ndryshe dhe unë as nuk mund ta mendoja që të mos isha sot pjesë e kësaj Foltoreje.

Pas 31 vitesh demokraci në Shqipëri, që unë apo ndonjë i ri të kishte frikë të merrte pjesë e një platformë si kjo ? se ju të gjithë jeni PD ku flitet e vërteta, ku gjërat thuhen sy në sy, ku thuhet mendimi ndryshe dhe respektohet ? kjo do ishte çmenduri nga ana ime. Ndaj është dita që të flisni ju sot, jo unë.

Unë ju jam përjetë mirënjohës për mbështetjen që më keni dhënë mua, forumit rinor dhe Partisë Demokratike! Ju falenderoj përjetësisht!