LEXO PA REKLAMA!

SHKARKO APP

Berisha të rinjve: Nuk u kursyet, u përballët me narkoshtetin

7 Nëntor 2021, 11:27, Politikë CNA
Berisha të rinjve: Nuk u kursyet, u përballët me narkoshtetin

Ish kryeministri Sali Berisha, në Foltoren me të rinjtë, ka falenduar drejtuesit e Forumit Rinor dhe të gjithë të rinjtë për punën e tyre për vite me radhë në Partinë Demokratike.

Berisha është shprehur se kjo Foltorë është më e rëndësishmja dhe vendimtare për përpjekjen e tyre për të mbajtur në këmbë opozitën e vërtetë.

?I dashur Grigels, i dashur Belind. Me mirënjohje më të thellë tu falenderoj ju, drejtuesit tuaj për punën e jashtëzakonshme që keni bërë, për mundin dhe djersën, guximin që keni treguar, për të bërë PD në këto vite një opozitë të vërtetë.

Ju anëtarë dhe anëtare, drejtues e Forumit Rinor, nuk kursyet asgjë në këto vite u përballët me dhunën dhe terrorin e narkooshtetit, u përballët me egërsinë e  narkopolicisë së tij, me shëmtinë e qelive të burgjeve në komisariate , për të mbrojtur idealet e PD, liritë dhe vlerat e saj, për të mbajtur në këmbë një opzoitë, e cila duhet tu printe shqiptarëve drejt fitores.

Për mua ky takim kjo foltore është më e rëdnësishme, është vendimtare në përpjekjn tonë, për një rindërtim të plotë të PD, për shndërrimin e saj në një opozitë të vërtetë shqiptare, për shndërrimin e saj në një forcë të sigurtë të fitores.

Ju garantoj se besimin tim e kam të bazuar se e di që jeni vajza dhe djem të idealeve më të pastra të shoqërisë shqipatre, sepse jam i bindur se jeni të rinjt dhe të rejat me ëndrrat më të bukura për veten për shoqërinë dhe Shqipërinë. E di se tek ju, furra e energjisë është një shatërvan i pandalshëm?, është shprehur Berisha./ CNA.al

Lajmet e fundit nga