LEXO PA REKLAMA!

SHKARKO APP

Video-I dënuar për grabitje e trafikim njerëzish/ Arrestohet në Durrës 20-vjeçari  

2 Nëntor 2021, 09:07, Kronika CNA
Video-I dënuar për grabitje e trafikim njerëzish/ Arrestohet

Një 20-vjeçar, i dënuar më parë për grabitje dhe trafikim njerëzish është vënë në pranga nga Policia e Durrësit, në kuadër të një operacioni të koduar ?Arratia?.

Mësohet se në pranga ka rënë Riad Sopjani, 20 vjeç, i arratisur nga Qendra Korrektuese e Lipjanit, në tetor 2020.

?Në vijim të punës për kapjen e personave në kërkim, bazuar në informacionet e marra në rrugë operative për vendndodhjen e një personi të shpallur në kërkim nga Kosova, nga ana e Seksionit për Hetimin e Narkotikeve në DVP Durrës dhe Forca e Posaçme Operacionale Durrës,  në bashkëpunim me Interpol Tirana, FAST Albania dhe ILECU Kosovë, u organizua dhe finalizua operacioni policor i koduar ?Arratia?.

Në kuadër të operacionit u bë kapja dhe arrestimi provizor me qëllim ekstradimi drejt Kosovës, i shtetasit Riad Sopjani, 20 vjeç, banues në Prishtinë, i dënuar më parë në Kosovë, për grabitje, vjedhje dhe trafikim të qenieve njerëzore.

Shërbimet e Policisë, gjatë kontrollit të ushtruar në banesën ku ai strehohej në Durrës, gjetën dhe sekuestruan  në cilësinë e provës materiale një sasi lënde narkotike cannabis sativa.

Ky shtetas ishte shpallur në kërkim ndërkombëtar nga ILECU Kosovë, pasi është i kërkuar në nivel vendor në Kosovë dhe ka tre urdhra ndalimi të lëshuara nga Gjykata Themelore e Prishtinës. Ky shtetas është arratisur nga Qendra Korrektuese e Lipjanit, në tetor 2020.

Në përfundim të veprimeve të para të kryera nga strukturat hetimore të DVP Durrës u bë arrestimi provizor i tij, me qëllim ekstradimin në shtetin e Kosovës, mbështetur në ?Konventën Evropiane të Ekstradimit? të vitit 1957.?-thuhet në njoftimin e policisë./CNA.al

Lajmet e fundit nga