LEXO PA REKLAMA!

SHKARKO APP

Thellohet skandali/ KESH humbet miliona euro nga shkëmbimi i energjisë

8 Tetor 2021, 07:52, Aktualitet CNA

Në kulmin e një krize energjitike të paralajmëruar publikisht nga kryeministri i vendit, KESH (Korporata Elektroenergjitike Shqiptare) ka aktivizuar dhe po i shërben një kontrate sa abuzive, po aq skandaloze dhe kriminale.

Kjo për faktin se në momentin kur energjia elektrike po shtrenjtohet, kur e gjithë Europa dhe vetë bota ka paralajmëruar një krizë për shkak të rritjes së madhe të çmimit, në Shqipëri KESH-i shkëmben energji duke krijuar një situatë, e cila ka nevojë për një hetim të gjerë, për të zbuluar kush janë inskenuesit e një marrëveshje, vërtetë korruptive, e cila në fund bie si një “çekan” mbi kokën e KESH-it.

CNA.al ka zbuluar dje se KESH ka aktivizuar një kontratë për shkëmbimin e energjisë elektrike, e cila është në disfavor të kompanisë shtetërore shqiptare. Një shkëmbim energjie, apo një sasi që KESH duhet t?ia japë kompanisë private NOA Energy, e cila këtë sasi do t?ia kthejë sërish Korporatës, brenda të njëjtës kohë. Pra, brenda të njëjtës ditë, por duke mos përcaktuar oraret.cna news, cna lajme, lajme cna, lajme flash cna, cna.al, cna lajme politike,

Dhe për këtë sasi energjie, KESH do të marrë edhe një interes të vogël, që duket të jetë i pallogaritshëm.

KESH i jep kompanisë NOA Energy pikërisht edhe ditët e fundit të krizës, sipas një kontrate të miratuar edhe nga Autoriteti i Konkurencës, që është një skandal më vete sepse ka krijuar një situatë monopoliste, sasi energjie prej mijëra megavat.

Zyrtarët e KESH-it e kanë sqaruar këtë fakt, se në momentet kur burimet hidrike janë të mëdha, që të mos derdhet uji prodhohet energji më shumë dhe ajo depozitohet diku jashtë. Ose në orare dhe lëvizje të ndryshme ditore dhe mujore dhe në fund bëhet një llogari vjetore.

E para fillon tek oraret e shkëmbimit të energjisë, sidomos gjatë javëve të fundit, kur çmimi I energjisë elektrike në treg, për megavat, thuajse është ?çmendur?. Ka pasur orë piku të energjisë, mbrëmje, pra nga ora 17:00 deri në orën 21:00, që çmimi i energjisë ka shkuar deri në 400 euro megavati.

Dhe kompania NOA Energy merr energji nga KESH dhe e shet. Dhe në rast se bëjmë një llogari të thjeshtë me një mijë megavat energji, një moment me një çmim tregu nga 300-400 euro për megavat, merr si të ardhura në bazë të çmimit në bursë nga 300 mijë-400 mijë euro.

Këtë energji ia kthen KESH-it, në orët e para të mëngjesit. Pra, në orën 4 apo 5 të mëngjesit, kur çmimi në treg është diku më pak se 50 euro. Çka tregon qartazi se sa më i lartë të jetë çmimi i energjisë në orën e pikut, aq më shumë fiton kompania private që merr energji nga KESH-i. Dhe kjo energji i kthehet pas KESH-it me një përllogaritje të thjeshtë, me 1 mijë megavat shumëzim për 0.8 cent që merr KESH. Pra, vetëm 800 euro.

Në një total, me një llogari të thjeshtë në rast se çmimi do të ishte 300 euro, kompania private do të fitonte 250 mijë euro në një ditë e në rast se do të ishte 400 euro për megavat kompania private do të fitonte deri në 350 mijë euro në ditë.

Kjo ka ndodhur gjatë ditëve të shkuara.

Edhe pse kryeministri në një konferencë shtypi ka paralajmëruar krizë, KESH për shkak të një kontrate korruptive dhe abuzive, kur në skandal është përfshirë edhe Autoriteti i Konkurencës, ka vazhduar t?i japë energji elektrike një subjekti privat, në një situatë qartazi monopoliste.

Skema të tilla në KESH kanë ndodhur dhe më parë. Pra, nuk është vetëm kjo e sotmja e cila ka filluar prej marsit, në momentin që është miratuar nga Autoriteti i Konkurencës.

Kontrata është shpallur si zgjidhje për shkak të sasive të tepërta të energjisë që prodhon KESH dhe depozitim të tyre. Por në fakt, për këtë rast për shkak të kësaj krize, apo për shkak të rritjes së madhe të çmimit të energjisë dhe mungesës së saj në treg nuk kemi të bëjmë me një depozitim energjie, por kemi të bëjmë me një skemë të qartë, ku një kompani private po fiton qindra apo miliona euro në kurriz të një kompanie shtetërore shqiptare.

Shifrat flasin qartë. Kontrata është e shkruar. Dhe ajo që ka ndodhur është se të gjitha palët heshtin.

Zyrtarët e KESH-it e pranojnë kontratën dhe thonë se është një gabim. Dhe skandali, pra që është miratuar nga Autoriteti i Konkurencës. Por, askush nuk vepron. Askush nuk reagon për të zbuluar deri në fund të vërtetën.

CNA.al ka siguruar dhe të tjera dokumente dhe në vijim do të sjellim fakte, të cilat tregojnë qartazi sesi qindra mijëra euro, apo miliona të tjera që mund të forconin financat e KESH, aq më tepër sot në këtë kohë krize, apo nga ana tjetër kjo energji t?iu jepej shqiptarëve në momentin që çmimi duket qartazi që do të rritet për biznesin, aktivizohet një kontratë, i shërbehet asaj, e cila nuk ka asnjë interes, asnjë benefit për publikun, por thjeshtë dhe vetëm i shërben xhepave të disa bizneseve, të cilët rrugës ndoshta mbushin dhe xhepat e zyrtarëve shqiptarë./CNA.al

Kontrata kriminale/ KESH, humbje miliona euro me shkëmbimin e energjisë

Lajmet e fundit nga