Letër në Ambasadën e SHBA-së për Vjollca Hoxhën dhe Ben Blushin/ Shantazh, kërcënime, fyerje dhe tentativë për të grabitur prona

5 Tetor 2020, 09:39, Aktualitet CNA

Letër në Ambasadën e SHBA-së për Vjollca Hoxhën

Sulmet dhe akuzat ndaj bizneseve kanë sjellë një konflikt të hapur midis njërës prej pronarëve të Top Channel, Vjollca Hoxha, drejtorit të saj Ben Blushi dhe disa investitorëve dhe drejtuesve të disa prej kompanive më të mëdha në Shqipëri.

CNA.al javë më parë zbuloi përplasjet e Ben Blushit me Klodjan Allajbeun e Spitalit Amerikan (Lexo këtu), apo Nadir Çaushollin e CFO Pharma.(Lexo këtu)

Me zbardhjen e këtyre përplasjeve që fillonin nga letrat në ambasadën e SHBA-ve, në qëndrimet që mbanin zyrtarët e këtij institucioni diplomatik ndaj disa mediave në shqipëri.

Kujtojmë këtu se Shefi i Marrëdhënieve me Publikun në Ambasadën e SHBA në Tiranë, Brian Beckmann në prill 2019, u shpreh se mediat përdoren si armë kundër biznesit, personave apo partive politike dhe jo si mjet për të treguar të vërtetën. ?Shohim histori që janë shkruar, jo të bazuara në të gjitha faktet e vlefshme, por në të kundërt, me informacion të pjesshëm, të shtrembëruar që ofrohet për të promovuar interesin e një industrie, partie, një individi kundrejt një tjetri. Ata përdorin median me qëllimin e vetëm që të arrijnë atë që duan. Çdo takim ditor editorial në Shqipëri duhet të fillojë me pyetjen ?Cila është historia që duhet të tregojmë?? dhe jo ?Kujt do t?i vihemi nga pas sot? Lajmet duhet të përqendrohen tek e vërteta, dhe jo si mund të përdoret forca e shtypit si një armë kundër një personi, biznesi, apo një partie politike?,- deklaroi në atë kohë Brian Beckmann.

Më pas ne publikuam edhe letrën e biznesmenit Andon Dhima, i cili drejtonte gishtin nga Ben Blushi për disa çëshjtje pronësie, ku qartazi zbuloheshin pasuri marramendëse me vlera miliona dollarë, vendosur në emër të familjarëve të Ben Blushit. (Lexo këtu)

CNA.al ka mundur të zbulojë një tjetër denoncim ndaj Vjollca Hoxhës dhe Ben Blushit, nepërmjet një letre prej gati 10 faqesh, ku ndërtuesi Arben Reli, i drejtohet me fakte dhe akuza Ambasadës së SHBA në Tiranë për një nga pronarët dhe drejtorin e Top Channel.

?Duke besuar tek shërbimet dhe vlerat që ju përfaqesoni, po ju drejtohem me një letër, pasi po më grabitet një pasuri nga lidhja e disa personave, që po i sqaroj më poshtë me pronaret e TOP CHANNEL, Vjollca Hoxha dhe dirigjent i kësaj skeme është Drejtori i Top Chanel, Ben Blushi. Duke abuzuar me Median po më shantazhojnë, kërcënojnë, fyejnë, duke më prishur imazhin dhe bizneset e mia. Gjatë kësaj periudhe ata kanë ndikuar me presione dhe miqësi në Institucionin e Kadastrës Shtetërore dhe tashmë edhe në sistemin e drejtësisë, Gjykata dhe institucionet e policisë?, shkruan biznesmeni Reli, në letrën e tij.

Me tej ai sqaron me detaje skemën ku përfshihet Ben Blushi si ?dirigjent? dhe pse është përfshirë edhe Vjollca Hoxha dhe Top Channel e mediat në pronësi të saj.

?Shpresim Bajraktari dhe Vis Bajraktari janë dy çunat e Sefedin Bajraktarit. Historitë rozë të të dy çunave me Top Media, Top Chanel dhe Gazeta Shqip, përkatësisht Vjollca Hoxha & Shpresim Bajraktari, Lori Hoxha & Vis Bajraktari, si edhe personi më i afert i këtyre lidhjeve , Ben Blushi, filluan të ndikojnë me presione, të cilat fillimisht i realizuan nëpërmjet ?Gazeta Shqip?,- sqaron biznesmeni duke dhënë detaje në lidhje me faktet që kanë çuar në këto sulme.

CNA.al ka mundur të sigurojë edhe të tjera detaje nga kjo letër që sqaron plotësisht sulmet e mediave të Vjollca Hoxhës dhe Ben Blushit, për të shkuar më tej në kapjen e institucioneve dhe shërbimin që i bëhet kësaj dysheje, duke pasur frikë mediat që ata drejtojnë. (vijon)/ CNA.al

Top Channel dhjetëra shkrime e kronika kundër Nadir Çaushollit/ Sot transmeton reklamat e tij

Përplasja Top Channel-Nadir Çausholli/ Nga akuzat, kallëzimet penale tek “dashuria në kohën e kolerës”

Përplasjet mes Ben Blushit dhe Klodian Allajbeut/ ?Urrejtja dhe dashuria? e Top Channel me Spitalin Amerikan

Letra e biznesmenit në ambasadën e SHBA-ve/ Ben Blushi kërkoi 2 apartamente për deklaratën e pasurisë, tani po më grabit me gjykatë pronat

Faktet që “kryqëzojnë” Ben Blushin/ Letra akuzë e biznesmenit drejtuar ambasadës të SHBA

Përplasjet mes Ben Blushit dhe Klodian Allajbeut/ ?Urrejtja dhe dashuria? e Top Channel me Spitalin Amerikan