LEXO PA REKLAMA!

SHKARKO APP

Rama prezanton kryetaren e Komitetit Teknik mes batutave/ "E donin burrë"

7 Maj 2020, 10:07, Politikë CNA

Kryeministri Edi Rama mes batutave ka prezantuar sot anëtarët e Komitetit Teknik.

Teksa i dha fjalën zv.ministres Mira Rakcolli, Rama tha se e kanë çmendur duke e pyetur se kush është kryetarja e komitetit.

“Doktoreshë Mira se na çmendën se kush është kryetari e komitetit thoshin, e donin burrë por ne me gratë e bëjmë punën”, tha kreu i qeverisë, i cili duket se donte t’i shpëtonte përgjegjësisë dhe kërkesave të shumta për të zbuluar se kush i merrte vendimet për masat.

Ndërkohë, Rakacolli argumentoi se përse komiteti kishte vendosur të lehtësonte masat.

“Nuk do të kishim lehtësim të masave, nëse do të kishim 15 raste mbi mesataren, nëse numri i shtrimeve do të ishte te 90 dhe ato që do të ishin në terapi intensive mbi 20. Jemi brenda numrave, treguesit që janë flasin që e kemi të kontrolluar! Duke fuqizuar survejancës, duke shtuar kujdesin shëndetësor dhe njëkohësisht duke shkruar kontrollet. Ne mendojmë që strategjia që ju kemi propozuar ka ecur mirë, dhe të vazhdojmë kështu. Do të ketë edhe një vlerë, ajo që u prezantuar është problemi i studimit të imunizimit që të shikojmë si do të jetë vijimësia nëse do jemi përballë një vale të dytë apo që ky virus do të jetë në listën e infeksioneve të mundshme”, tha ajo./ CNA.al

Lajmet e fundit nga