E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

"Lajm më i keq se vetë raporti i Freedom House"/ Kashahu: Demokracia në degradim, Rama po e thellon

7 Maj 2020, 08:06, Politikë CNA

Sekretari i Marrëdhënieve me Jashtë në PD Arben Kashaku ka reaguar pas raportit të Freedom House, i cili lidhet me nivelin e demokracisë në vend.

Në një postim në rrjetet sociale, Kashahu thotë se raportet për Shqipërinë sa vijnë e ashpërsojnë gjuhën e tyre.

Sipas tij, raporti i djeshëm i Freedom House, përcjell mesazhin e hidhur të degradimit të demokracisë në Shqipëri dhe raporton se mazhoranca në Shqipëri ka vjedhur zgjedhjet dhe ka vrarë parlamentarizmin.

“Raporti si asnjëherë më parë e merr Shqipërinë shembull për të ilustruar degradimin e parlamentit dhe të procesit ligjbërës, pamundësimin e rolit të opozitës në institucione, si dhe angazhimin e qeverisë për të asfiksuar median e lirë dhe reformën zgjedhore. Margjinalizimi i opozitës, goditja e hapur ndaj institucioneve demokratike, janë po ashtu akte të mazhorancës në dëm të demokracisë në Shqipëri. Në asnjë gërmë apo fjalë ky raport nuk shpreh ndonjë vlerësim për Shqipërinë, përkundrazi në përfundim Shqipëria vlerësohet në rënie në krahasim me vitin e shkuar duke u konsoliduar si shtet nën regjim hibrid”, shkruan ai në rrjetet sociale.

Demokrati pretendon se lajmi më i keq është te kokluzionet e kryeministrit Edi Rama, i cili e lexoi raportin si pozotiv për vendin tonë.

“Por ka një lajm më të keq se vetë raporti i Freedom House. Ai gjendet tek konkluzionet e Kryeministrit për këtë raport. Në një lajthitje të mbasdites së djeshme ai e lexon me lentet e tij raportin dhe nëpërmjet një postimi e shpalli Shqipërinë kampione ballkanike për të drejta e liri demokratike. Edhe më rëndë, Kryeministri angazhohet që të thellojë arritjet e përmendura në raport. Në një dalje publike dje u zotua se do ta miratojë paketën e ligjeve për mediat në parlament. Kjo sjellje e Kryeministrit është hakmarrje ndaj gjuhës së raporteve për Shqipërinë dhe njëkohësisht epilogu i marrëdhënieve të kësaj qeverie me proceset demokratike dhe integruese të Shqipërisë dhe Shqiptarëve”, nënvizon Kashahu./ CNA.al