web counter
LEXO PA REKLAMA!

SHKARKO APP

App Store
Google Play

Zgjedhjet në universitete/ Mynyr Koni letër Besa Shahinit: Shtyji

6 Maj 2020, 17:40, Politikë CNA

Më 12 qershor është parashikuar që të zhvillohen zgjedhjet për organet e reja drejtuese në universitetet e Tiranës.

Ditën e sotme rektori i Universitetit të Tiranës, Mynyr Koni, i ka dërguar një letër të hapur ministres së Arsimit Besa Shahinit. Koni i kërkon Shahinit që të shtyhen zgjedhjet e reja me pretendimin se po përjashtojnë studentët.

“Në fakt, të drejtën për t?u zgjedhur dhe për të zgjedhur, studentëve ia ka dhënë ligji i arsimit të lartë 80/2015 dhe Rregullorja e Zgjedhjeve, duke i caktuar ata si një nga dy trupat zgjedhore në institucionet publike të arsimit të lartë, për të zgjedhur rektorin dhe dekanin; apo edhe përfaqësuesit e tyre në Senatin Akademik, dhe për t?i përfaqësuar denjësisht ata në këtë organ kolegjial.

Pa dashur të zgjatem dhe të tregoj konkretisht në këtë letër të hapur argumentet ligjore dhe nënligjore, të cilët janë parashtruar të gjitha në shkresën e fundit nr.1551/1 datë 4 maj 2020, ajo çfarë dua të theksoj edhe një herë është fakti që, duke mos ndryshuar Urdhërin nr.99 datë 26.03.2020, jeni duke përjashtuar mbi 15 mijë studentë të Universitetit të Tiranës nga procesi zgjedhor dhe e drejta e tyre ligjore për të zgjedhur dhe për t?u zgjedhur”, thuhet ndër të tjera në letrën e rektorit të UT-së./ CNA.al





Lajmet e fundit nga