web counter
LEXO PA REKLAMA!

SHKARKO APP

App Store
Google Play

Gjiknuri i përgjigjet opozitës/ Të gatshëm për të rifilluar punën për Reformën Zgjedhore

6 Maj 2020, 17:17, Politikë CNA

Përfaqësuesi i PS-së, Damian Gjiknuri, i është përgjigjur kërkesës së opozitë për mbledhjen sa më shpejt të komisionit në mënyrë që të vijohet puna me Reformën Zgjedhore.

Në emër të maxhorancës, Gjiknuri shprehet se ?konfirmojmë praninë në mbledhjen vijuese të Grupit të Punës së Këshillit Politik, ditën e hënë, datë 11.05.2020, ora 10:00, të cilën në kushtet e diktuara nga COVID-19, mundësisht ta zhvillojmë përmes hapësirës digjitale?.

“Konfirmim për përcaktimin e datës së mbledhjes së Grupit të punës së Këshillit Politik për Reformën Zgjedhore

Drejtuar: Z. Oerd Bylykbashi
Adresa: Partia Demokratike
Bulevardi Zhan Dark, Nr.11, Tiranë

Petrit Vasili

Adresa: Lëvizja Socialiste për Integrim

Rruga ?Sami Frashëri?, Godina 20/10, Tiranë

Bylykbashi,
Z. Vasili,

Pasi u njohëm përmes medias me letrën tuaj, shprehim vlerësimin tonë për gadishmërinë e shprehur prej jush për të rifilluar punën e Këshillit Politik për Reformën Zgjedhore.

Ky qëndrim i ri i juaji, duhet përshëndetur si një reflektim serioz në raport me deklarimet tuaja publike të bëra ditët e fundit dhe ne e përshëndesim pa rezervë.
Duke shprehur plotësisht gadishmërinë tonë për të vazhduar procesin gjithëpërfshirës të dialogut dhe diskutimin në kuadër të tryezës së Këshillit Politik, shprehim edhe urimin tonë që përmes punës së përbashkët, brenda muajit maj të gjejmë edhe dakordësinë e plotë për draftin që do t?i shkojë për miratim Kuvendit të Shqipërisë.

Ne konfirmojmë praninë në mbledhjen vijuese të Grupit të Punës së Këshillit Politik, ditën e hënë, datë 11.05.2020, ora 10:00, të cilën në kushtet e diktuara nga COVID-19, mundësisht ta zhvillojmë përmes hapësirës digjitale.

Duke ju falenderuar,
BASHKËKRYETARI I KOMISIONIT PARLAMENTAR PËR REFORMËN ZGJEDHORE:
DAMIAN GJIKNURI“/CNA.al

 





Lajmet e fundit nga