LEXO PA REKLAMA!

SHKARKO APP

App Store
Google Play

E fundit!

x

Taulant Muka: Kur do vijë vaksina në Shqipëri?

6 Maj 2020, 21:15, Politikë CNA
Taulant Muka: Kur do vijë vaksina në Shqipëri?

Ish-zëvendës ministri i Arsimit dhe studiuesi Taulant Muka ka shtruar dy pyetje të rëndësishme përsa i përket vaksinës së koronavirusit.

Muka kërkoi të dijë se kur do të mbërrijë në shqipëri vaksina nëse prodhohet në fund të këtij viti dhe sa përqind e popullatës do jetë në gjendje ta blejë.

Ish.zvministri deklaron se qeveria duhet të bëjë një planifikim afatgjatë për të mos pasur drama të mëvonshme.

“Le të jemi optimist, dhe le të besojmë vaksina ndaj Covid do të prodhohet në fund të këtij viti dhe të gjithë do besojmë nuk do ketë efekte afatgjata anësore. Pyetjet që vlejnë për vendin tonë:

1. Duke ditur se çdo vend do kërkojë të blejë vaksinën, kur do mundet vaksina të vij në vendin tonë? 6 muaj, 1, 2 apo 3 vjet më vonë?

2. Në momentin që vaksina do vijë në vendin tonë, sa përqind e popullatës do jetë në gjendje të përballojë çmimin e vaksinës duke ditur që ekonomia do pësojë rënie nga kriza aktuale dhe varfëria do të rritet?

Janë pyetje që vlejnë pasi edhe pse vendet perëndimore e kanë ç’rrënjosur kolerën prej dekadash, mbi 47 vende në botë sot, kryesisht prej varfërisë që nuk mund të përballojë vaksinën dhe përmirësojë kushtet higjenike, ende përjetojnë vdekje çdo ditë nga kolera. Këto pyetje tregojnë edhe njëherë rëndësinë që ka planifikimi afatgjatë i masave që ndërrmeren për të mos jetuar më vonë drama edhe më të mëdha”, shkruan ai në rrjetet sociale./ CNA.al

Lajmet e fundit nga