LEXO PA REKLAMA!

SHKARKO APP

App Store
Google Play

E fundit!

x

Braçe zbret në terren/ Zbulon "grabitjen e dyfishtë" në tregjet e fruta-perimeve

7 Maj 2020, 09:06, Politikë CNA
Braçe zbret në terren/ Zbulon "grabitjen e dyfishtë"

Zëvendës-kryeministri Erion Braçe ka denoncuar atë që ai e quan “grabitje të dysfishtë” me çmimet e fruta-perimeve në tregjet e Tiranës.

Braçe deklaron se sot ka zbritur vetë në terren për të monitoruar çmimet për dy produktet qepë e thatë dhe patate e re në tregjet publike të fruta-perimeve në Tiranë.

Ai thotë se të dyja këto janë produkte të Divjakës, por thekson se atje çmimi ka rënë ndërsa në Tiranë vijon të jetë shumë i lartë.

“Çmimi dje i qepës në Divjakë u ul dramatikisht në vetëm 15 Lekë/Kg. Çmimi sot i të njëjtës qepë të marrë dje në Divjakë, në çdo treg të Tiranës është nga 70 Lekë/Kë në 120 Lekë/Kg! Kuptoni? Nga 4.7 herë më shtrenjtë deri në 8 herë më shtrenjtë! Grabitja e parë është ndaj bujkut në Divjakë. Ulja e çmimit deri në 40% nën kosto, të një super produkti për të cilin 7 muaj me rradhë ai, bujku ka punuar 12-14 orë në ditë e ka paguar pa fund nga mbjellja në çdo shërbim, është një supergrabitje!”, shkruan zv.kryeministri në rrjetet sociale, ndërsa thekson se e njëjta gjë ndodh edhe me pataten.

“Patatja e re sot në treg është veç patatja e Divjakës. Çmimi dje në Divjakë u ul në 20 lekë/kg,
ndërsa sot në Tiranë çmimi ishte 80 lekë/kg! E dija që do ndodhte kjo histori dhe kam një muaj që flas për këtë. Madje duke shtuar se bujqësia e bujqit prodhues po mbajnë Shqipërinë në dy muajt më të vështirë të saj, ekonominë ndezur kur sektorë të tërë u fikën! Tani meqë nuk na begenisi kush, nga sot në mëngjes nga Divjaka, çdo tregtar do ketë sjellje tjetër, të unifikuar në produkt e në çmim! Zgjidhje tjetër nuk na latë!”, deklaron ai./ CNA.al

Lajmet e fundit nga