LEXO PA REKLAMA!

SHKARKO APP

Si po bashkëqeverisin Edi Rama dhe Lulzim Basha?!

17 Mars 2020, 13:22, Politikë CNA
Si po bashkëqeverisin Edi Rama dhe Lulzim Basha?!

Nuk ka më asnjë mëdyshje, ata janë bashkë siç kanë qenë që në majin e vitit 2017. Ortakëria e tyre nuk prishet, por për më tepër thellohet në kohë krizash apo pandemish si kjo e Covid-19.

Dje në mbrëmje këtë e pranoi hapur Lulzim Basha në një dalje të tij televizive duke numëruar të gjitha pikat që qeveria kishte pranuar dhe ishte falenderues ndaj saj. Luli gjithë kohën thoshte se pikat ishin të tijat, porozimet e tij. Pra, propozimet e Bashës që Edi Rama i kishte marrë në konsideratë dhe i kishte zbatuar.

Sot kur qeveria pritet të dalë me planin ekonomik, Lulzim Basha ka propozuar 8 pika të tjera, që shumica janë pjesë e asaj që pritet të publikojë qeveria.

Tani Rama dhe Basha po bashkëqeverisin me këtë bashkëpunim kaq të hapur, ku Luli duket si një nga ministrat e Ramës që dublon herë Ogerta Manastirliun, herë Erjon Braçën e herë Belinda Ballukun.

Do ishte më mirë që Rama ta fuste në qeveri dhe të dilnin hapur se kështu në distancë po vuajnë të dy dhe Basha po bëhet më qesharak se kurrë. Merr pikat nga Rama një ose dy ditë përpara, i publikon, pastaj Rama i zbaton. Tani ja jep vetë Rama apo ja nis me Endri Fugën nëpërmjet  Desadës apo Elonës kjo ka pak rëndësi.

Kot lodhen të dy që të bashkëqeverisin në distancë, Luli është thjesht pa emërim ministër apo zv/kryeministër, sepse detyrat i merr nga Rama, ja propozon Ramës dhe ky i fundit i zbaton pikë për pikë siç do Luli.

Boll se gajasët dynjanë, dilni hapur se kështu u cfilitët./ CNA.al

Beteja me koronavirusin/ Basha propozon planin ekonomik me tetë pika

Lajmet e fundit nga