LEXO PA REKLAMA!

SHKARKO APP

E fundit!

x

Vendimi surprizë i gjyqtares së Krujës/ Ja kush është i liruari para kohe

9 Nëntor 2017, 12:51, Aktualitet CNA

Një tjetër vendim surprizë është dhënë ditën e sotme nga Gjykata e Krujës.

Ilir Paja i dënuari për tentativën e vrasjes kundrejt efektivit të policisë kriminale, Blendi Haxhimiali, është liruar sot nga vuajtja e dënimit me arsyetimin juridik të qenies së tij me probleme psikologjike.

Vendimi për lirimin e tij është dhënë një vit para se Paja të përfundonte shlyerjen e dënimit. Ajo që surprizon në këtë mes është fakti se kemi të bëjmë me një të dënuar i cili nuk i përket botës së krimit ordiner, por atij me rrezikshmëri të lartë shoqërore.

Sigurisht vendimi i Gjykatës së Krujës do të ishte i përligjur nëse do kishim të bënim me një të dënuar për krime ordiner.

Mirëpo shihni kush është realisht Ilir Paja?

Biografia

Ilir Paja, u bë personazh i njohur për arratisjet spektakolare nga burgjet italiane, por edhe si autor i një sërë krimesh të rënda në Itali. Aktualisht, Paja vuante një dënim të dhënë nga Gjykata e Krimeve të Rënda me 6 vjet burg, pasi ishte gjendur fajtor i ?plagosjes së rëndë me dashje? të një agjenti të policisë kriminale, gjatë operacionit për arrestimin e tij, në mars 2008, në Tiranë.

Nga policia italiane Paja dyshohet të jetë autori i vrasjes së një shtetasi nga Ekuadori dhe plagosjes së një tjetri, pas një grindjeje që kishte për motiv ngacmimin e një femre ekuadoriane, në kohën që ajo ishte me bashkëshortin e saj.

Referuar hetimeve, Paja kishte qëlluar me pistoletë duke plagosur shtetasit Gonzalo Ramirez dhe Enrike Erelana, ndërsa i pari ndërroi jetë një ditë më pas. Një tjetër episod i rëndë, sipas akuzës, ishte ai i dhunimit seksual të një 19-vjeçareje rumune. /CityNews

Lajmet e fundit nga