Bujar Nishani ish-president, apo kapter tek Luli?

9 Nëntor 2017, 11:16, Aktualitet CNA

Me një eksperiencë jo të vogël në politikë, me disa detyra të nivelit dytësor apo tretësore në PD, Bujar Nishani është politikani që me një gur vrau dy zogj në vitin 2005, ku në zgjedhjet për atë zonë shfrytëzoi përçarjet mes PD dhe LSI dhe çoi në humbje ish-ministrin e Brendshëm, Igli Toska.

Nga sekretari i PD-së së Tiranës, ai u kthye në atë kohë bashkë me disa deputetë të tjerë në ikona të fitores politike të Partisë Demokratike.

Më pas Sali Berisha e emëron ministër të Brendshëm, të Drejtësisë dhe në vitin 2012 së bashku me Ilir Metën e vendosin në krye të shtetit si president i Republikës.

Ai ishte 47-vjeçar kur mori detyrën e lartë të kreut të shtetit, ndaj tij pati dhe shumë kontestime edhe brenda PD-së, por ai ishte zgjedhje dhe verdikt i Sali Berishës dhe të gjithë e votuan në rrjesht. Kontestimet e forta ngelen brenda debateve të figurave politike të PD.

Nishani president ishte një figurë korrekte që edhe pse i përbuzur nga qeveria dhe kryeministri Rama i dha opinionit publik të kundërtat e atyre që thoshte Edi Rama.

Nishani nuk u akuzua ashtu si paraardhësit e tij për shit-blerje gjykatësish dhe pazare të pista politike. Maksimumi i akuzave ka qënë rikthimi i pronave të familjes së tij.

Ai u bë president sepse donte Sali Berisha, i cili për Nishanin ishte gjenerali nëse nga hierarkia ushtarake në PD, Nishanin do ta shohim si kapter.

Por pa dashur ta fyejmë apo ta mërzisim ish-presidentin, çdo gjë e bërë prej tij në marrëdhënie me Berishën, edhe sjellja si kapter përballë gjeneralit është e pranueshme, por çfarë mund ta quajë Nishani Lulzim Bashën, të cilin shkoi ta takonte dy ditë më parë.

Mos vallë Nishani i foli Bashës si kapter i kapterit?

Askush në PD, dhe vetë Nishani dhe Lulzim Basha, nuk e kanë quajtur Berishën më pak se gjeneral apo marshall.

Bujari i vetëdishëm shpesh ka paraqitur forcën, të njëjtën gjë ka bërë edhe Lulzim Basha, por a mund ta shpëtojë kapteri kapterin, pasi Lulzimi është kapteri i dështuar në krye të PD-së.

Ndoshta ato pesë vite mandat si president, Bujari i çoi dëm, fatkeqësisht ngeli kapter dhe nuk u bë kurrë gjeneral.

Shkon si gjynahqarë tek një tjetër i cili është gjynah për vete.

Tek Berisha mund të shkonte se paraqiste forcën e gjeneralit, por me Lulin që është vetë kapter ç?pati Bujar Nishani?

I mbyturi të mbyt thotë populli, dhe Luli është një kapter i mbytur dhe ndoshta është fatkeqësi që një ish-president të çojë dëm pesë vite në krye të shtetit, detyrë që la para pak muajsh dhe tani fatkeqësisht shkon tek Luli për të bërë së bashku çiftin e kapterave./ CityNews