Kush e mbulon skandalin e diplomave fallco në Universitetin e Elbasanit?/Prokuroria nis hetimet intensive

30 Tetor 2017, 14:18, Aktualitet CNA

Nga BERT RRASA

Prokuroria e Elbasanit ka hapur një dosje penale prej 2 vitesh lidhur me origjinën e rrjetit dhe personat që janë në rrjetin e diplomave fallco që burimin e kanë nga Universiteti ?A.Xhuvani?. Hetimi ka shtrirje në fakultete dhe mendohet se prej vitesh ka një rrjet të zgjeruar fallcifikatorësh diplomash dhe sekserësh që merren me ?peshkimin? e personave që duan të marrin një diplomë të një prej fakulteteve pa ardhur asnjë ditë në shkollë kundrejt një pagese të majme.

Natyrshën lind pyetja, se kush po e mbulon (sa herë që hapet) skandalin e diplomave në Elbasan, pse mbahen top-sekret hetimet, emrat e pedagogëve në fakultete , ish-dekanëve dhe drejtuesve të Rektoratit ? Duket se skandali dhe zbulimi rrjetit të fallcifikatorëve të diplomave fallco në Elbasan mbetet një turp për Universitetin ?A.Xhuvani?, ndërkohë që mbahen sekret fakte tronditëse edhe për njerëz që duhej të ishin sot në ndjekje penale, si pedagogë, ish-dekanë dhe drejtues të Rektoratit. Kjo situatë ka ardhur pas zbulimit dhe heshtjes për skandalin e diplomave fallco të cilat janë gjetur me firmë dhe vulë në katër prej institucioneve shtetërore në Elbasan.

Ato diploma u janë kapur dhe zbuluar personave të ndryshëm që kanë gjetur strehë në disa institucione të shtetit, duke nisur nga policia, ushtria, arsimi e shëndetsia, madje edhe në ndonjë që ka qenë deri para 1 apo 2 vitesh edhe kryetar komune dhe bashkie në disa qytete të vendit. Burimet nga Prokuroria thanë për ?City News? se ?informacionet e para i kanë ardhur në rrugë operative qysh para 4 vitesh, dhe vazhdojnë të vijnë ndersa ne kemi nisur hetimet?. Por ndërkohë nuk dihet pse është ngadalësuar procesi hetimor ndaj personave që janë nën akuzë.

Skandali ka marrë përmasa të tjera pasi bëhet fjalë për diploma fallco, me firmë e vulë dekani dhe rektori dhe datojnë qysh para shumë vitesh kundrejt pagesave të majme. Sipas të njëjtave burime hetimore ?skandali është zbuluar ndoshta fare rastësisht kur në disa raste zyrat e pranimit dhe evidentimit të CV në institucionet e shtetit, kanë zbuluar se personat që aplikonin për vende pune kishin dëftesa dhe diploma të dyshimta?. Menjëherë u ngrit grup pune dhe u konstatua se kishim të bënim me një rrjet fallcifikatorësh që vepronin prej vitesh.

Hetimet janë shtrirë nga pedagogët me të cilët bashkëpunonin prej vitesh, deri tek dekanë e rektorë që kanë drejtuar në vite UE. Duke u njohur me situatën më të fundit dhe ecurinë e hetimeve, një burim hetimor tha se ?mungesa e kontrolleve dhe profesionalizmit, mungesa e aftësisë menaxhuese e drejtuese i kanë molepsur prej vitesh elementë të veçantë të Universitetit të Elbasanit me sekserë dhe fallcifikatorë, gjë të cilën e kemi paralajmëruar muaj më parë?. Në muajt e fundit, në Prokurorinë e Elbasanit kanë mbërritur denoncimet e dhjetra qytetarëve, prindërve, që denoncojnë diplomat fallco të blera në UE. Zbulimi i shpeshtë i rrjeteve të fallcifikatorëve të diplomave universitare, tregon se paaftësia në drejtim prej vitesh mbetet në nivele maksimale në Elbasan.