LEXO PA REKLAMA!

SHKARKO APP

App Store
Google Play

Ministri Peleshi inkurajon të rinjtë/ Bujqësia sektor që garanton të ardhmen

29 Tetor 2017, 11:38, Aktualitet CNA

Ministri i Bujqësisë dhe Zhvillimit Rural,  Niko Peleshi vizitoi shkollën e mesme bujqësore ?Mihal Shahini?në Cërrik, të qarkut Elbasan.

Ministri u shoqërua gjatë kësaj vizite nga deputetë të Kuvendit të Shqipërisë, Kryetari i Bashkisë së Elbsanit, Sejdini dhe nga Kryetari i Bashkisë Cërrik, Altin Toska.

?Bujqësia, një sektor që garanton të ardhmen?, ka qenë i përmbledhur në pak fjalë, mesazhi që ka dashur të përcjellë, Ministri i Bujqësisë.

Në daljet e tij publike, herë pas here, Ministri ka ftuar të rinjtë të frekuentojnë shkollat bujqësore, pasi është një sektor me një të ardhme dhe punësim të garantuar.

?Siç e keni dëgjuar edhe ditët e fundit, qeveria i ka dhënë dhe do t?i vërë theks inkurajimi të rinjve, për të ndjekur shkollat profesionale, në mënyrë që t?i përqasen sa më mirë kërkesave të tregut. Ministria e Bujqësisë, nartyrisht nuk mbulon arsimin profesional, por unë jam shumë i interesuar që të shikoj sesi punohet në shkollat profesionale, ashtu si kundër, dhe në institucionet e arsimit të lartë, në Universitetin Bujqësor të Kamzës, dhe në atë të Korçës, për të prodhuar kapacitete njerëzore për sektorin. Pra, pa kapacitete njerëzore, ndonëse ne kemi një potencial të jashtëzakonshëm të fushës bujqësore, të tokave bujqësore, apo të blegtorisë në vendin tonë, ne nuk mund të zhvillojmë dot një bujqësi dhe blegtori të zhvilluar?, u shpreh Peleshi.

Pasi ka vizituar ambientet e brendshme, laboratorin, stallën dhe serën e shkollës, Ministri ka shprehur kënaqësinë e iniciativave të tilla, duke e përgëzuar gjithë stafin shkollor të kësaj shkolle.

Kryetari i Bashkisë së Cërrikut, Altin Toska ka garantuar Ministrin dhe gjithë të pranishmit, që Bashkia do të jetë e gatshme të bashkëpunojë me shkollën, duke i kthyer asaj disa ambiente, si konkviktin  e shkollës, në mënyrë që investimet e ardhshme t?a gjejnë shkollën e mesme ?Mihal Shahini? me kapacitet të plotë dhe me kushte maksimale. /CityNews

Lajmet e fundit nga