web counter
LEXO PA REKLAMA!

SHKARKO APP

App Store
Google Play

PS-LSI/ Rivalitet në komisionet zonale dhe komisionerët 

3 Maj 2017, 09:29, Aktualitet CNA

Dy partite e maxhorancës qeverisëse, PS dhe LSI, do të kenë rivalitet edhe në ndarjen e anëtarëve të KZAZ-ve por edhe të komisionerëve. Sikurse publikon Sot, aktualisht, Komisioni Qendror i Zgjedhjeve i ka ngritur KZAZ-të dhe opozita është zëvendësuar nga anëtarë të shoqërisë civile apo qytetarë politikë.

Pë të kompletuar vëndet bosh të opozitës KQZ shpalli konkurs të hapur dhe pati shumë aplikime, ku anëtarët u zgjodhën me short. KZAZ kanë nga shtatë anëtarë dhe, sipas ligjit, ka një ndarje mes pozitës dhe opozitës. Sipas nenit 29 të Kodit Zgjedhor, dy anëtarë propozohen nga partia kryesore e shumicës parlamentare, dy anëtarë propozohen nga partia kryesore e opozitës parlamentare, një anëtar propozohet nga partia e dytë e shumicës parlamentare dhe një anëtar propozohet nga partia e dytë e opozitës parlamentare. Ndërsa anëtari i shtatë zgjidhet me short, ku në gjysmat e KZAZ e merr partia më e madhe në opozitë dhe gjysmën partia më e madhe në mazhorancë.

Në 16 shkurt KQZ hodhi shortin dhe u vendos që në zonat me numër tek shumicën ta ketë PS dhe në ato me numër çift ta ketë PD. Kjo do të thotë se në të gjitha KZAZ-të, PS do ketë të sigurt dy anëtarë, ndërsa në gjysmat e tjera do ketë dhe anëtarin e shtatë, duke kapur kështu tre anëtarë, ndërkohë që LSI do ketë vetëm nga një.

Nga ana tjetër, anëtarët që duhet të ishin të PD i takojnë shoqërisë civile. Pra duket se dhe në këtë mes do të ketë një luftë PS-LSI, pasi socialistët do dominojnë KZAZ, por dhe qendrat e votimit dhe qendrat e numërimit sepse shumica e anëtarëve do u përkasë atyre, ndërkohë që LSI do ketë vetëm një anëtar. /CityNews





Lajmet e fundit nga