Apeli i Tiranës liron gjyqtarin e dënuar Ibrahim Hoxha

12 Prill 2017, 16:30, Aktualitet CNA

Kur ka shlyer gjysmën e dy viteve të dënimit, Ibrahim Hoxha, ish gjyqtari i Tiranës, është liruar nga burgu ku vuante dënimin, për të vijuar shlyerjen e tij me shërbim prove. Vendimin për pezullimin e vijimësisë së burgut e ka dhenë Gjykata e Apelit të Tiranës.

Ibrahim Hoxha u arrestua, hetua dhe dënua për konsumimin e veprës penale të korrupsionit aktiv e pasiv, pasi u gjet fajtor në dhënien e një vendimi të padrejtë, favorizues, për të cilin kishte përvetësuar gjashtëqind euro rryshfet. Së bashku me të u arrestua, e më pas u lirua, edhe djali i tij, Ledio Hoxha, nëpërmjet të cilit ishte kryer marrja e eurove. Për këtë vepër Ibrahim Hoxha u dënua përfundimisht me dy vite burg dhe pesë vite heqje të të drejtës për të ushtruar detyrën funksionale. /CityNEWS

Lajmet e fundit nga