LEXO PA REKLAMA!

SHKARKO APP

Krimi horror në Bërzhitë/Autopsia: Si u torturua e moshuara, çfarë i futën në gojë autorët

8 Mars 2017, 12:20, Aktualitet CNA

Është zbardhur autopsia për vrasjen horror të të moshuarës në Bërzhitë të Tiranës. 74-vjeçarja Fatime Hida u gjet e pajetë, dy ditë më parë, në banesën e saj. E moshuara është mbytur me trikon e saj. Nga rezultatet e autopsisë mësohet se autorët i kanë mbuluar kokën dhe më pas i kanë futur trikon në gojë në mënyrë që ajo të mos bërtiste, gjë që i ka sjellë dhe asfiksinë.

E moshuara ishte e ve dhe jetonte e vetme, pasi nuk kishte fëmijë, ndërsa ishte grabitur edhe herë të tjera. Sipas të afërmeve, grabitja e para e banesës së saj ka ndodhur në prill 2015, ndërsa pasi është dhunuar i janë marrë 2 milionë e 400 mijë lekë. Të afërmit thonë se policia nuk bëri asgjë për grabitjen e parë. E moshuara jetonte me blegtori, ndërsa shtëpia e saj isht e rikostruktuar nga një fondacion holandez.

Kryeplaku ka gjetur të moshuarën në prag të derës, këmbë e duar të lidhur dhe në kokë ishte e mbuluar me një copë të zezë. Kryeplaku ka njoftuar menjëherë policinë e cila ka mbërritur në vendngjarje dhe po vijon hetimet për zbardhjen e krimit. Grabitësit vrasës ende nuk janë identifikuar nga policia./CityNews

Lajmet e fundit nga