Plagosi me thikë të moshuarin/ Policia e Elbasanit zbardh ngjarjen

8 Mars 2017, 09:46, Aktualitet CNA

Policia e Elbasanit ka arrestuar një 39 vjeçar, pasi ka goditur me sende të forta një të moshuar. Po ashtu,  është proceduar penalisht një 26 vjeçar, pasi gjatë konfliktit, dyshohet të  ketë goditur me sende të forta shtetasin e prangosur tashmë.

Specialistët për Krimet e Rënda në Drejtorinë Vendore të Policisë Elbasan, bënë arrestimin në flagrancë të shtetasit Apostol  Paço, 39 vjeç, banues në fshatin Grabovë e Sipërme, Gramsh.

Në fshatin Grabovë, gjatë një konflikti për motive të dobëta, dyshohet të ketë goditur me sende të forta shtetasin S.B, 63 vjeç, i cili u dërgua për ndihmë mjekësore në  spitalin e Traumës, Tiranë.

Gjatë kontrollit, grupi hetimor gjeti dhe sekuestroi në cilësinë e provës materiale një thikë.

Materialet i kaluan Prokurorisë së Rrethit Gjyqësor Elbasan, për veprime të mëtejshme, për veprën penale “Plagosje e rëndë me dashje” dhe “Prodhimi dhe mbajtja pa leje e armëve të ftohta”.

Policia shton më tej se lidhur me këtë ngjarje, është proceduar penalisht shtetasi me inicialet DH.B, 26 vjeç, banues në fshatin Grabovë e Sipërme, Gramsh.

Ky shtetas, gjatë konfliktit dyshohet të ketë goditur me sende të forta shtetasin Apostol  Paço. Ndaj tij materialet i kaluan Prokurorisë së Rrethit Gjyqësor Elbasan, për veprime të mëtejshme, për veprën “Plagosja e lehtë me dashje “. /CityNews

 

 

Lajmet e fundit nga