Lulzim Basha gënjen Mustafa Nanon

8 Mars 2017, 09:49, Aktualitet CNA

Analisti Mustafa Nano i kërkoi kreut të Partisë Demokratike, Lulzim Basha, të vizitojë çadrën e protestës. Në një intervistë televizive, Nano kërkoi publikisht të shkojë në ?Çadrën e Lirisë? për t?iu treguar të gjithë demokratëve se cilët janë horrat e Partisë Demokratike, si ato që sjell kryeministri Edi Rama në parlament.

Analisti përmendi disa deputetë të PD në Kuvend, që sipas tij, janë horra si ato të Ramës, duke u ndalur këtu te Flamur Noka, Gent Strazimiri dhe Edi Paloka. E menjëhershme ishte dhe përgjigjja e krydemokratit Lulzim Basha, i cili i tha po publikisht Mustafa Nanos se mund ta vizitonte çadrën e protestës, për të thënë të vërtetat e tij.

Por, ky duket të ketë qenë një qëndrim i momentit i Lulzim Bashës, pasi vetëm pak dytë më pas ai ndryshon mendje. Burime i thanë CityNews se Lulzim Basha i ka thënë Mustafa Nanos se nuk mund të shkojë në çadrën e PD, pa plotësuar më parë disa kushte. Ai i ka telefonuar dje analistit, ku mësohet se kanë diskutuar mbi kushtet e zhvillimit të bisedës në çadrën para godinës së Kryeministrisë. Basha ka shmangur vizitën e Nanos nga çadra e protestuesve, duke i thënë se do ta përcaktojë vetë kryedemokrati ditën kur do të zhvillohet bashkëbisedimi.

Nuk dihet pse ky ndryshim qëndrimi nga ana e Bashës dhe pse e ka lënë në pritje analistin, i cili shprehu publikisht dëshirën për të vizituar çadrën e demokratëve. Mbase kryedemokratit i duhet të organizojë më parë çadrën e protestës dhe demokratët, të cilëve do iu përmendet emri nga Nano, megjithatë qytetarët, çadra e protestës dhe Mustafa Nano janë në pritje të Lulzim Bashës, që të thotë fjalën e fundit./CityNews

Lajmet e fundit nga