LEXO PA REKLAMA!

SHKARKO APP

"TikTok" merr masa/ Vendos kufizim të orarit për përdoruesit nën 18 vjeç

2 Mars 2023, 09:07, Tech CNA
"TikTok" merr masa/ Vendos kufizim të orarit për
Foto ilustruese

"TikTok" po vendos një kufi ditor të kohës para ekranit prej 60 minutash për përdoruesit që janë nën 18 vjeç.

Nëse të rinjtë kalojnë kufirin e ri, do të duhet të vendosin një kod për të vazhduar përdorimin e shërbimit.

Por ata do të jenë në gjendje të tërhiqen nga masa e re, për të cilën "TikTok" thotë se do të zbatohet "në javët e ardhshme".

Aplikacioni video, i cili është në pronësi të firmës kineze "ByteDance", tha se po prezanton funksionin për t'i ndihmuar njerëzit të "qëndrojnë nën kontroll" të përdorimit të tyre.

"TikTok" tha se kufiri i ri vjen pasi solli një kërkesë vitin e kaluar për të inkurajuar adoleshentët të menaxhojnë kohën e tyre para ekranit. Ai tha se kjo ndihmoi "në rritjen e përdorimit të mjeteve tona të kohës para ekranit me 234%".

Përdoruesit e platformës duhet të jenë të paktën 13 vjeç dhe, si pjesë e kësaj veçorie të re, kushdo nën moshën 18 vjeç do të marrë një njoftim javor me një "përmbledhje të kohës së tyre para ekranit"./ CNA.al

Lajmet e fundit nga