LEXO PA REKLAMA!

SHKARKO APP

U kap me drogë në Itali/ Zbardhet deklarata e Agim Kajmakut

16 Qershor 2022, 15:47, Aktualitet CNA

U kap me drogë në Itali/ Zbardhet deklarata e Agim Kajmakut

Zbardhet deklarata e ish-kryebashkiakut socialist të Vorës, Agim Kajmaku dhe nipit të tij para drejtësisë italiane, pasi u kap me rreth 20 kilogramë kokainë.

Mësohet se Kajmaku ka thënë para autoriteteve të shtetit fqinj se nuk ka lidhje me drogën.

Mediat italiane traportojnë se Kajmaku dhe nipi i tij vazhdimisht përsërisin se nuk dinë asgjë për praninë e drogës në vazot e luleve.

Avokati mbrojtës i tyre, Vittorio Supino i Chieti, thotë se ka ende shumë punë për të bërë të mundur zbardhjen e pozicionit të klientëve të tij.

Aktualisht ish-kryebashkiaku socialist dhe nipi 34-vjeçar janë të burgosur në burgun e Fermos.

Kujtojmë se ata u arrestuan më datë 27 maj në një operacion antidrogë të zhvilluar në zonën e San Benedeto del Tronto në Itali.

Pakot me kokainë ishin fshehur brenda vazove në një fidanishte në Grottammare dhe do të dërgohen në Ankona për t’u analizuar, për të përcaktuar përqindjen e pastërtisë së drogës. Kokaina përllogaritet në vlerën rreth 1 milion euro.

Në shtëpinë e tyre, në Ascoli, nuk u gjet asnjë gjurmë droge, pasi xhaxha e nip kishin blerë bimët e vogla në fidanishte dhe i kishin vendosur në vazo më të mëdha që i kishin blerë në një biznes lokal.

Ky ndryshim është vënë re fillimisht nga pronari i fidanishtes. Pasi ka parë lëvizje të çuditshme ka njoftuar menjëherë karabinierët, të cilët më pas organizuan operacionin. Ndërkohë, po vijojnë ende hetimet lidhur me këtë ngjarje./ B.A. – CNA.al

Lajmet e fundit nga