web counter
LEXO PA REKLAMA!

SHKARKO APP

App Store
Google Play

“Rama fillon estradën”/ Si po tenton të “mbulojë” bëmat e Rilindjes

13 Qershor 2022, 10:15, Politikë CNA
“Rama fillon estradën”/ Si po tenton të
Kryeministri Edi Rama

Nënkryetari i LSI-së, Petrit Vasili, shkruan se kryeministri Edi Rama ka filluar “estradën” e radhës, duke tentuar të “mbulojë” bëmat e Rilindjes.

“Edi Rama dje në aksham filloi një estradë të trashë me gjoja listat e numrave të telefonit, që medemek shiten në pazar.

Estrada e Ramës pritej, bile në fakt duhet të fillonte edhe më shpejt, sepse duhej me patjetër një zhurmë teneqesh, pas dështimeve njëri më i rëndë e më poshtërues se tjetri.

Kancelari Scholz e shkriu krejt farsën serbo-ruse të Ballkanit të Hapur pas zdërhalljes idiote të Ohrit dhe ua ngriu tradhtinë në buzë Ramës & Co duke i lënë si guakë.

Kajmaku e justifikoi besimin dhe vleresimin e Ramës për të dhe i futi një dorë prej 1 milionë euro drogë ashtu siç Rilindja e ka qejf, paçka se italianët e "mallkuar" e kapën dhe ia prishën Ramës edhe festën e partisë.

Hatasë me inceneratorët fundi i duket shumë larg dhe dokumente e fakte dalin perditë, që e bejnë gjithnjë e më katran Ramën dhe po ia bëjnë hallin sa një mal.”-shkruan Vasili.

Më tej, ai ndalet edhe te rritja e çmimeve, ndërsa thekson se vjen si pasojë e pazareve të Ramës, me oligarkët.

“Çmimet e tmerrshme kanë egërsuar të gjithë njerëzit sepse janë pasojë shqeto e pazarit të Ramës me oligarket për të grirë miliona euro dhe këtë e ka kuptuar i madh dhe i vogël.

Këto gjëma e bëma buçasin e tundin dynjanë.

Këto dëgjojnë dhe këto ju dhembin deri në palcë të gjithë njerëzve dhe me këto e vetëm me këto do të merremi edhe ne.

Sa për këto zhurmat e kanoçeve me estrada numrash telefoni, le t'ia lëmë të merret Rama vetë me to tamam si ata matufet, që luajnë me jargët e veta!”-përfundon postimin e tij Petrit Vasili./CNA.al





Lajmet e fundit nga