web counter
LEXO PA REKLAMA!

SHKARKO APP

App Store
Google Play

“Patronazhistët, krimi me të cilin krenohen fajtorët”/ Tabaku, akuza PS-së

12 Qershor 2022, 11:57, Politikë CNA
“Patronazhistët, krimi me të cilin krenohen
Deputetja e PD-së, Jorida Tabaku

Deputetja e PD-së, Jorida Tabaku, ka rikthyer në vëmendje publikimin e të dhënave personale për qëllime elektorale nga patronazhistët.

“Patronazhistët apo krimi me të cilin krenohen fajtorët.

Përdorimi i të dhënave personale nga PS-ja për qëllime elektorale përveçse është shkelje e qartë e të drejtave të njeriut edhe çdo gërme dhe frymës së kushtetutës.

Mbetet një nga krimet më të mëdha në vend, sidomos përdorimi i të gjithë informacionit shtetëror për të vendosur nën presion votuesit, për të kërcënuar bizneset dhe kjo solli deformimin e votës dhe rezultatit të 25 prillit 2021”, shkruan Tabaku në rrjete sociale.

Sipas Tabakut, databaza e pagave dhe ajo e targave ishin qershia mbi tortë e të dhënave personale që keqpërdoren sistematikisht nga PS-ja.

“Ende sot subjekti përgjegjës, pra Partia Socialiste, nuk është vendosur përpara drejtësisë, por nga ana tjetër padrejtësisht sulmohet media që vuri në pah skandalin!

Një metodë antiligjore dhe antikushtetuese ka njollosur procesin demokratik të zgjedhjeve, ka promovuar pandëshkueshmërinë edhe jo vetëm!

Tanimë procesi integrimit komplikohet sepse akuzat e deridjeshme janë fakte!

Databaza e pagave dhe ajo e targave ishin qershia mbi tortë e të dhënave personale që keqpërdoren sistematikisht nga PS dhe që përbëjnë një nga shkeljet më të mëdha të demokracisë dhe privactësisë që për këdo është e shenjtë”, shkruan më tej Tabaku./CNA.al





Lajmet e fundit nga