LEXO PA REKLAMA!

SHKARKO APP

Paralajmëron ambasadori britanik/ Do shpallim persona “non-grata” gjatë këtij viti

28 Mars 2023, 22:17, Politikë CNA

Paralajmëron ambasadori britanik/ Do shpallim persona

Mbretëria e Bashkuar do të shpallë të tjerë persona “non-grata”.

Këtë lajm e ka bërë të ditur ambasadori britanik, Alastair King-Smith, i cili tha në një intervistë me Erla Mëhillin se do të ketë të tjera vendime gjatë këtij viti.

“Ashtu siç e përmenda më parë, ne do të shohim se çfarë veprimesh të tjera do të ndërmarrim si në Shqipëri dhe në rajon, edhe në rang global sepse ne mendojmë se llogaridhënia është e rëndësishme dhe nëse mundemi të kemi një shtresëzim të llogaridhënies në shkallë ndërkombëtare. Mbretëria e Bashkuar ashtu si edhe vende të tjera do të ndërmarrë hapa për konfiskimin e pasurive dhe presim vendimet e këtij viti”, u shpreh ambasadori.

Alastair King-Smith u pyet nëse mes personave që do të shpallen “non-grata” ka politikanë dhe biznesmenë, por ai nuk dha detaje.

“Nuk ka rëndësi se çfarë punë apo roli dikush ka. Nëse janë të lidhur me krimin dhe korrupsionin, politikane, biznesmenë apo të tjerë ata mund të specifikohen”, theksoi ambasadori i Britanisë së Madhe./ CNA.al

Lajmet e fundit nga