LEXO PA REKLAMA!

SHKARKO APP

E fundit!

x

Këlliçi sqaron projektin/ Tregon shembuj konkretë për transportin falas të Tiranës

28 Mars 2023, 18:45, Politikë CNA
Këlliçi sqaron projektin/ Tregon shembuj konkretë për
Kandidati i opozitës për Tiranën, Belind Këlliçi

Kandidati i opozitës për Tiranën, Belind Këlliçi ka premtuar se nëse do të fitojë garën për kryeqytetin do ta bëjë transportin publik falas.

Ky premtim është parë me skepticizëm nga politika, por Këlliçi ka sqaruar me shembuj konkretë projektin e tij për transportin publik.

Ai tregoi disa qytete në shtete të ndryshme të botës që e përdorin transportin publik falas për zona të caktuara ose me orare të caktuara.

Kandidati i opozitës deklaroi se projekti që ai ka huazuar është një praktikë e përdorur duke trajtuar me kujdes çështjen e fondeve.

Pjesë nga biseda me gazetaren Viol Xhafaj:

Këlliçi: Unë po premtoj diçka, për të cilën po ju jap shifrat. Jam konçiz, janë shumë shifra me “këmbë në tokë” dhe gjykoj që të dedikosh vetëm 6% të buxhetit të bashkisë për t’i shërbyer 200 mijë qytetarëve në ditë, është fantastike, e mirëpret çdo qytetar. Këtë që unë po them nuk e ka bërë vetëm Belindi si propozim…

Gazetarja: Kush e ka bërë?

Këlliçi: … por janë të gjitha këto qytete në botë, në shtete të ndryshme të botës…

Gazetarja: Nga e keni marrë projektin ose idenë?

Këlliçi: Nga Talini, kryeqyteti i Estonisë, nga Malta, nga Luksemburgu, nga Hasselti në Belgjikë që e ka që në vitin 1996, nga Baltimore po e them dhe njëherë meqë ishin shqetësuar mediat e bashkisë që e kanë përmendur. Në Baltimore ofrohen një sërë linjash që janë të gjitha pa pagesë por është i pjesshëm, por testohet. Pra, ka qytete në botë dhe ka kryeqytet që e kanë të pjesshme apo të plotë. Ka qytete që e kanë vetëm në fundjavë, ka vende që e kanë me orar të caktuar në orët e vona të mbrëmjes…

Gazetarja: Ne do e kemi 7 ditë të javës?

Këlliçi: … Është Greqia që ka Marusin, është një zonë e Athinës që është tentuar dhe po eksperimentohet. Është një zonë nga më të mëdhatë, kështu që kjo që po propozoj unë është një praktikë e përdorur edhe në vende të tjera të botës. Në rastin tonë duket e guximshme, duket sikur po shpiket rrota, por nuk është aspak kjo. Është vetëm çështje e destinacionit të fondeve. Kaq!/ CNA.al

Lajmet e fundit nga