LEXO PA REKLAMA!

SHKARKO APP

App Store
Google Play

E fundit!

x

Loja me presidentin/ Mblidhet grupi i PS-së, Balla: Begaj do të mbështetet edhe nga deputetët e tjerë

4 Qershor 2022, 10:18, Politikë CNA
Loja me presidentin/ Mblidhet grupi i PS-së, Balla: Begaj do të
Grupi i PS-së

Pas mbërritjes së kryeministrit Edi Rama ka nisur edhe mbledhja e grupit parlamentar të PS-së, ashtu siç ishte lajmëruar edhe një ditë më parë, ku do të mblidhen të paktën 20 firma të deputetëve për kandidaturën e Bajram Begajt në krye të shtetit.

Nuk pritet të ketë surpriza sa i takon kësaj kandidature. Presidenti i Republikës në këtë raund të katërt zgjidhet edhe me një shumicë të thjeshtë prej 71 votash, të cilat PS i ka e vetme.

Kreu i grupit parlamentar të PS-së Taulant Balla u shpreh se Begaj është një kandidaturë e vlerësuar, ndërsa shprehu bindjen se emri i tij do të mbështetej edhe nga deputetë të tjerë të Parlamentit.

“Përmbush të gjitha kriteret kushtetuese ligjore dhe reflekton të gjitha vlerat duke qenë përfaqësues si interesit të popullit. Ne si grup parlamentar do i nënshtrohemi procedurave parlamentare me besimin se kjo kandidaturë do të mbështetet edhe nga deputetët të tjerë të Kuvendit të Shqipërisë të cilët do të kishin nderin dhe privilegjin që tu përgjigjet popullit shqiptar i cili e meriton”, tha ndër të tjera Balla.

Sot që mbahet raundi i katërt, pritet që të marrë fund edhe loja me presidentin. Pas teatrit Balla-Alibeaj, mazhoranca arriti që ta zgjedhë e vetme emrin e ardhshëm të kreut të shtetit. /E.K-CNA.al

Lajmet e fundit nga