web counter
LEXO PA REKLAMA!

SHKARKO APP

App Store
Google Play

E fundit!

x

PS zyrtarizon kandidatin për President/ Ironizon thellë Manjani

3 Qershor 2022, 20:04, Politikë CNA
PS zyrtarizon kandidatin për President/ Ironizon thellë Manjani
Ish-ministri i Drejtësisë, Ylli Manjani

Ish-ministri i Drejtësisë, Ylli Manjani, ka reaguar pak minuta më parë për propozimin e Bajram Begës si kandidat për President, nga ana e mazhorancës.

Me anë të një statusi në rrjetet sociale, Manjani ironizon Begajn, teksa thotë se nuk ka shanse në asnjë ushtri normale që të ketë Gjeneralë pa qenë asnjë ditë në një front lufte me plumba realë.

Ai e cilëson kandidatin për Kreun e Shtetit si pjesë e gjeneralëve që vjedhin ndonjë tollon naftë dhe shesin skrap me tendera sekretë.

“Këtë mjekun gastrohepatolog, më mirë që po e bëjnë President,se shef i Shtabit të Ushtrisë kërciste shumë. Shefi i shtabit të Ushtrisë është ushtarak karriere jo mjek në spitalin ushtarak.

E njejta llogjikë vlen edhe për gradat. Nuk ka shanse në asnjë ushtri normale që të ketë Gjeneralë pa qenë asnjë ditë në një front lufte me plumba reale, jo në zbor... Gjeneralë që vjedhin ndonjë tollon naftë e shesin skrap me tendera sekretë... Ushtria jonë mund të kërkonte për ndonjë gjeneral vetëm nga radhët e ushtarakëve që kanë shërbyer në një front lufte, jo në logjistikën ushtarake.

E kam bindje këtë gjë, që vetëm më forcohet.

Nga ana tjetër nuk mund të mos ritheksoj modelin e ushtarakut që parapëlqehet nga udhëheqësit. Ka disa specifika, por më dukshmja është tek mënyra si nderojnë.

Në mënyrë reflektive kur nderojnë, në vënd të ngrejnë dorën tek koka ulin kokën tek dora, në shenjë përulësie...

Ky është modeli i ushtarakut që pëlqehet shumë...

Edhe zotëria ushtarako-gasteohepatolog (dmth mjek që bën sonda stomaku ose kolonoskopi), është brenda modelit të parapëlqyer...

Hajt më, punë presidenti...”, shkruan ish-ministri./ B.A. - CNA.al





Lajmet e fundit nga