web counter
LEXO PA REKLAMA!

SHKARKO APP

App Store
Google Play

E fundit!

x

Kryetari i PD-së në Korçë vijon misionin për shkatërrimin e opozitës/ Si e dështoi protestën kundër Qeverisë

3 Qershor 2022, 13:41, Politikë CNA
Kryetari i PD-së në Korçë vijon misionin për
Foto ilustruese

Ish-kryetari i PD-së, Lulzim Basha, një “detyrë” të cilën ka arritur ta kryejë me sukses gjatë drejtimit të kësaj force politike është të bëjë “zjarrfikësin” e urrejtjes popullore kundër Kryeministrit Edi Rama, duke fikur protestat kundër tij.

Një gjë të tillë tentoi ta bënte edhe në protestat studentore në dhjetor të vitit 2018. Po ashtu Basha tradhtoi edhe djemtë e Kukësit, në protestën kundër vendosjes së traut në Rrugën e Kombit, etj.

Por, duket se në PD paska lënë ende përfaqësuesit e tij. I tillë është edhe kryetari i PD-së së Korçës, Devis Osmani, i preferuari i ministrit të Ramës, Niko Peleshi.

Pasi u zgjodh në krye të PD-së së Korçës, Devis Osmani duket se vijon me “sukses” misionin e Bashës, duke dështuar protestat kundër Qeverisë.

Së fundi ishte njoftuar mbajtja e një proteste në Korçë, kundër rritjes së çmimit të karburanteve.

Protesta ishte paralajmëruar të mbahej sot në orën 11:00 para Terminalit në Korçë, por ka dështuar me sukses, sigurisht me ndihmën e degës së PD-së, në këtë qytet.

Çfarë ndodhi?

Ashtu sikurse shikohet edhe në foton më poshtë, fillimisht në posterin e protestës shkruhej se “Anëtarë dhe simpatizantë të Partisë Demokratike dega Korçë, Shoqëria Civile, qytetarë, studentë, bëjmë thirrje për një protestë kundër rritjes së çmimeve të karburanteve dhe produkteve të shportës”.

Por, më pas me sa duket dikush ndërhyri dhe posteri u ndryshua.

U kërkua që të mos përdoren më fjalët “anëtarë dhe simpatizantë të Partisë Demokratike dega Korçë”. Por, vetëm qytetarë dhe Shoqëria Civile.

Kryetari i PD-së në Korçë vijon misionin për

Pra, PD-ja e Korçës u distancua nga protesta kundër rritjes së çmimeve, duke bërë të mundur dështimin e saj.

Rast unikal në botë, që një parti opozitare të tërhiqet nga një protestë.

Protesta e njoftuar disa ditë më parë publikisht nga qytetarë dhe mbështetës të partisë Demokratike dega Korçë dështoi me sukses të plotë.

Me kontributin direkt dhe angazhimin personal të kryetarit të degës Devis Osmani u ndaluan strukturat e Partisë Demokratike t'i bashkohen protestës qytetare, kundër rritjes së çmimit të naftës dhe produkteve të shportës.

Edhe pse kjo protestë do t'i shërbente sensibilizimit të qytetarëve për abuzimet e pandalshme të Qeverisë Rama, në kundërshtim flagrant me misionin që ka një parti opozitare, kryetari i saj i sapozgjedhur vendosi të vazhdoje shërbimet ndaj Niko Peleshit duke tradhtuar pritshmëritë ndaj mijëra qytetarëve, të cilët përballen çdo ditë me varfërine dhe pamundësinë për të siguruar bukën e gojës. Misioni i kryetarit të opozites dega Koçë për shpartallimin e opozitës vazhdon./CNA.al

 





Lajmet e fundit nga