web counter
LEXO PA REKLAMA!

SHKARKO APP

App Store
Google Play

E fundit!

x

“Kurtizanët” vazhdojnë misionin e Bashës/ Demokratët u tregojnë vendin

3 Qershor 2022, 10:28, Politikë CNA

“Kurtizanët” vazhdojnë misionin e Bashës/

Në gati nëntë vite, ish-kryetari i PD-së, Lulzim Basha, së bashku me “kurtizanët” që i shkojnë nga pas, çoi forcën më të madhe opozitare në vend, nga humbja në humbje, nga dështimi në dështim.

Çdo ditë thelloi përçarjet në PD, duke e çuar këtë të fundit në humbje katastrofale, ku për herë të parë në historinë e demokracisë, PS siguroi tri mandate qeverisëse, ndërsa PD qëndron në Opozitë për të tretin mandat radhazi.

Përçarjet dhe përplasjet në PD u thelluan me vendimin personal të Lulzim Bashës, në 9 shtator 2021, ku duke tentuar të “fshihet” pas SHBA-së, përjashtoi ish-kryeministrin Sali Berisha nga grupi parlamentar.

Pas kësaj “çmendurie politike” të Lulzim Bashës përçarjet në PD u thelluan, duke ardhur më tej deri në “çmendurinë” e radhës, siç ishte blindimi i selisë së demokratëve dhe më pas edhe dhuna e gazi lotsjellës ndaj tyre në 8 janar 2022.

Por, zgjedhjet e 6 marsit 2022 i dhanë një “grusht turinjve” Lulzim Bashës dhe servilëve të tij, të cilët jo vetëm nuk morën asnjë bashki, por u katandisën forcë e tretë politike.

Ndërkohë, më pas rrodhën të tjera zhvillime. Ish-kryeministri Berisha u zgjodh kryetar i PD-së, dhe ndërkohë po vazhdon procesi për zgjedhjen e drejtuesve të kësaj force politike.

Por, edhe pse kemi një PD zyrtare dhe kryetarin e saj, Sali Berisha, edhe pse vazhdon procesin për zgjedhjen e drejtuesve, një grup “kurtizanësh”, që vazhdojnë t’i shërbejnë misionit të Lulzim Bashës për shkatërrimin e PD-së, pretendojnë ende se kanë poste në PD.

Dhe ndërkohë që nga njëra anë i qëndrojnë “besnikë” misionit për shkatërrimin e PD-së, vijojnë “teatrin” duke pretenduar se bëjnë opozitë, me postime në rrjetet sociale.

E tillë, është edhe deputetja Jorida Tabaku, e cila “betejën” e ka në rrjetet sociale, ndërkohë që në fakt në Komisionin Hetimor për Inceneratorët, i shërbeu kryeministrit dhe kryetarit të Bashkisë së Tiranës. 

Por, nga ana tjetër, edhe disa deputetë të tjerë, si Kreshnik Çollaku apo Oriola Pampuri, vijojnë të “ëndërrojnë” për poste në PD dhe bëjnë “opozitë” në rrjetet sociale.

“Kurtizanët” vazhdojnë misionin e Bashës/

Por, demokratët u kanë treguar vendin deputetëve të Lulit.

Në faqen e PD-së në rrjetet sociale, e cila vijon të mbahet peng nga Basha, demokratët kanë “shpërthyer” në komente kundër “kurtizanëve” të tij.

“Dilni e mblidhni popullin në protesta apo nuk ju lejon Luli”. -shkruan një demokrat.

Më tej, një tjetër shkruan: “Ju nuk keni kohë se jeni bërë si këmbët e dhive, duke u zënë me njëri-tjetrin.”.

Po ashtu një demokrat shkruan: “Cilën parti përfaqësoni ju me këto statuse partinë e bravave apo partinë e Bardhave”.

“Veç me PD nuk jeni ju”, -shkruan një tjetër./CNA.al

 

“Kurtizanët” vazhdojnë misionin e Bashës/“Kurtizanët” vazhdojnë misionin e Bashës/“Kurtizanët” vazhdojnë misionin e Bashës/

 





Lajmet e fundit nga