web counter
LEXO PA REKLAMA!

SHKARKO APP

App Store
Google Play

E fundit!

x

‘Deklaratat e Vuçiçit për Kosovën’/ Nesho: Duhen rishikuar urgjent marrëdhëniet me Serbinë!

2 Qershor 2022, 20:34, Politikë CNA
‘Deklaratat e Vuçiçit për Kosovën’/ Nesho:
Agim Nesho

Rama ndihet inferior ndaj udhëheqjes së nacionalizmit të ri serb të ish-përfaqësuesit të kasave të Millosheviçit, kështu është shprehur diplomati Agim Nesho, i ftuar në "Syri Tv". Diplomati Agim Nesho ka folur për hipokrizinë e kryeministrit Edi Rama në OKB dhe qëndrimin e tij antikombëtar në lidhje me gjenocidin në Kosovë e Srebenicë.

Diplomati theksoi se deklaratat e Vuçiçit për Kosovën dhe betimi i tij në kuvendin serb janë thelbësore që Shqipëria të rishikojë marrëdhënien e saj me Serbinë.

Pjesë nga intervista:

Krisafi: Deklaratat e presidentit serb Aleksandër Vuçiç për Kosovën, gjatë betimit të tij në Kuvend, janë quajtur të papranueshme nga deputetët e Bundestagut gjerman, deputetja Renata Alta ka kërkuar nga BE-ja pezullimin e menjëhershëm të negociatave me Serbinë  duke shtuar edhe faktin që nuk pranon të vendosë sanksione ndaj Rusisë ashtu siç ka bërë dhe pjesa tjetër e BE-së. A duhet të rishikohet me urgjencë marrëdhënia e Shqipërisë me Serbinë pas këtyre deklaratave të qarta të Vuçiçit.

Nesho: Kjo është një detyrë imediate por ai nuk e bën pasi ndihet inferior ndaj gjithë diskutimet dhe ngritja e problemeve nga opozita shqiptare e cila është më e avancuar me çështjen kombëtare. Kjo po tregon se në Shqipëri po vijon një mari që çështja kombëtare shqiptare mund të zgjidhet nëpërmjet Beogradit dhe kjo është një non sens e cila duhet të marri fund sa më shpejtë.

Problematika ndaj Serbisë është rritur shumë. Disa deputetë të PE-së kanë ngritur çështjen e bazës së spiunazhit, të ashtuquajturës qëndrës informative në Nish dhe ne jemi ata që pretendojmë se mbrojmë interesat e perëndimit dhe vend anëtar i NATO-s, që kemi bërë marrëveshje të tilla koncensionare me Vuçiçin duke i hapur zemrën. Lind një pyetje shumë e madhe/ Çfarë është ky njeri që pretendon të udhëheqi politikën shqiptare dhe të ketë kaq dobësi dhe varësi ndaj udhëheqjes së nacionalizmit të ri serb të ish përfaqësuesit të kasave të Millosheviçit. Ku do të arrijë ky?

Patjetër ne duhet të rishikojmë politikë kombëtare. Për Ramën Open Balkan është një vizion por për për interesat e Shipërisë vihen në pikëpyetje dhe mendoj që është një inisiativë që do të dobësojë Shqipërinë dhe do ta vonojë në atë që është objektivi historik i shqiptarëve anëtarësimi në BE./CNA.al

 





Lajmet e fundit nga