E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Zgjedhja e presidentit/ Vetëm Rama e di "asin nën mëngë"

2 Qershor 2022, 17:43, Politikë CNA

Zgjedhja e presidentit/ Vetëm Rama e di "asin nën

Kryeministri Edi Rama

Teatri me zgjedhjen e presidentit mes Taulant Ballës dhe Enkelejd Alibeajt vijon akoma.

Pas djegies së raundit të dytë dhe të tretë, ku opozita nuk dorëzoi asnjë emër, tani topi është krejtësisht në fushën e maxhorancës, për të diskutuar emrin e për të nxjerrë një prej tyre.

Sipas Kushtetutës, tre raundet e para kërkonin bashkëpunimin e mazhorancës dhe opozitës, pasi për të kaluar emrin duheshin 84 vota, ndërsa në dy raundet e fundit, të katërt dhe të pestë duhen vetëm 71 vota, të cilat PS i ka e vetme.

Por kë do të zgjedhë mazhoranca në krye të shtetit?

Kryeministri Edi Rama më herët ka deklaruar se presidenti i ri, nuk do të jetë nga grupi parlamentar, ndërsa ka theksuar se pasuesi i Ilir Metës do të jetë një njeri me integritet.

Pak muaj më parë, socialistët propozuan nga një emër përmes zarfit të mbyllur. CNA.al ka deklaruar edhe më parë se Rama e ka një “as nën mëngë” për emrin e presidentit të ri, të cilin deri më tani po e ruan dhe nuk po e bën publik.

CNA.al kontaktoi me deputetë nga kampi rozë, të cilët deklaruan shkurtimisht se nuk kanë ende informacion për kreun e ri të shtetit, ndërsa pak para votimit në seancën plenare Rama do mbledhë deputetët në selinë rozë për të zhvilluar mbledhje dhe për tu dhënë direktivat.

Pra mesa duke, kryeministri e ka të paracaktuar emrin e ri, ai thjeshtë do t’jua paraqes të vetëve pak minuta para seancës dhe më pas ata do e votojnë atë.

Me këtë veprim Rama, konfirmon edhe një herë se emri i presidentit të ri është vetëm zgjedhje e tij, sepse deputetët e majtë konfirmojë, se deri më tani nuk është mbledhur asnjë strukturë për të diskutuar, e pyetur.

Sipas tyre e vetmja e pyetur nëse mund të quhet e tillë, jane disa zarfa pa emra sipër, te depozituara në një mbledhje grupi, por askush nuk di çka ndodhur me fatin e tyre. Gjasat janë të larta që kjo procedurë të mbyllet që në raundin e katërt, duke mos shkuar deri në atë të pestë. E.K-/CNA.al