web counter
LEXO PA REKLAMA!

SHKARKO APP

App Store
Google Play

Rritja e çmimit të naftës/ Deputeti bën thirrje për revolta popullore

2 Qershor 2022, 09:24, Politikë CNA
Rritja e çmimit të naftës/ Deputeti bën thirrje për
Foto ilustruese

Deputeti i PD, Xhelal Mziu ka reaguar në lidhje me rritjen e çmimit të naftës, i cili ka shkuar në 248 lekë litri.

Në një postim në rrjetet sociale, ai shkruan se kjo është një shifër historike dhe se as në krizën e botërore të naftës në vitin 2008, çmimi nuk është rritur e ishte 40% më i ulët.

Më tej, ai thekson se kjo nuk është qeveria që duam dhe se duhet të reagojmë me revolta qytetare, çdo qytetar shqiptar.

“Qeveria e Rilindjes rrit çmimin e naftës në 248 lekë/litër ose 2,01 Euro/litër, shifer historike!

Sipas njoftimit të Bordit të Transparencës, kuptohet me urdhër të Kryeministrit, çmimi i naftës kap vlerën maksimale 248 lekë/litër.

Në vitin 2008 dhe pse ishte krizë botërore dhe çmimi i një fuqie naftë shkoj aq sa sot, çmimi i naftës në Shqipëri ishte 40% më i ulët se sa sot!

Jemi vendi me çmimin më të lart të naftës në botë!

Jemi vendi i vetëm me pagën më të ulët në botë!

Jemi i vetmi vend në botë që qeveria përcakton çmimin e karburantit, jo tregu i lirë!

Jemi i vetmi vend në botë, që FMN kërkon që të mos përcaktoj Bordi (Qeveria) çmimin, por tregu i lirë!

Jemi i vetmi vend në botë që 60% e vlerës së naftës shkon për tvsh, aksizë, taksë qarkullimi, taksa, tatime dhe tarifa të ndryshme!

Kjo është qeveria që S’DUAM, ndaj duhet të reagojmë me revolta popullore, çdo qytetarë shqiptarë.”- shkruan Mziu./CNA.al





Lajmet e fundit nga