web counter
LEXO PA REKLAMA!

SHKARKO APP

App Store
Google Play

E fundit!

x

 “Qeveria nuk mbështet financiarisht qytetarët”/ Deputeti ‘nxjerr zbuluar’ Ramën

2 Qershor 2022, 20:10, Politikë CNA
 “Qeveria nuk mbështet financiarisht qytetarët”/
Kryeministri Edi Rama

Në kohën kur çmimet janë rritur duke u ndikuar nga lufta në Ukrainë, kryeministri Edi Rama ka deklaruar se shqiptarët nuk do të paguajnë më shumë për energjinë elektrike.

Por për deputetin e Partisë Demokratike, Edmond Spaho, këto janë vetëm justifikime, pasi në një prononcim për CNA.al, ai tha se e vërteta qëndron ndryshe.

Sipas Spahos, ne paguajmë çmimin më të lartë të energjisë elektrike në rajon dhe kostoja e saj zë 12% të të ardhurave të çdo familjeje shqiptare.

“Vetëm në Shqipëri ndodh që qeveria të fitojë nga rritja e çmimeve dhe të mos ju kthejë së paku një pjesë të fitimit në formën e mbështetjes direkte financiare. Kryeministri "justifikohet" me mosrritjen e çmimit të energjisë elektrike. E vërteta qëndron ndryshe. Ne paguajmë çmimin më të lartë të energjisë elektrike në rajon dhe kostoja e saj zë 12% të të ardhurave të çdo familjeje shqiptare”, u shpreh ai për CNA.al.

Deputeti theksoi se kriza ekonomike në Shqipëri është ulur këmbëkryq, pasi pagat janë shumë më të ulëta krahasuar me çmimet.

“Kriza është shtruar këmbëkryq, çmimet në qiell, pagat në tokë, njerëzit ikin në emigracion, askush nuk ngre zërin, të rinjtë rrinë në kafe”, nënvizoi Spaho./ B.A - CNA.al





Lajmet e fundit nga