web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet për Sekretarin e Përgjithshëm dhe nënkryetarët/ Erla Mëhilli, thirrje Berishës dhe PD-së

2 Qershor 2022, 21:02, Politikë CNA
Zgjedhjet për Sekretarin e Përgjithshëm dhe
Ekspertja e komunikimit, Erla Mëhilli

Ekspertja e komunikimit, Erla Mëhilli, ka komentuar situatën në Partinë Demokratike, teksa pritet që nesër të zgjidhen Sekretari i Përgjithshëm dhe nënkryetarët e PD-së.

Mëhilli tha se PD-ja duhet të bëjë sa më parë publikë emrat e kandidatëve dhe nuk duhet të bëjë ashtu si me Kryesinë.

"Është një kandidaturë e bërë publike nga zoti Oerd Bylykbashi, i cili ka shprehur dëshirën për të kandiduar për nënkryetar të kësaj partie. Sigurisht ka dhe emra të tjerë që përfliten, është zoti Belind Këlliçi, zoti Shehaj, Flamur Noka, nuk di në do të ketë të tjerë. Por PD-ja nuk duhet të nxjerrë emrat një natë para siç bëri me Kryesinë, por duhet t’i bëjë publike sa më shpejt në mënyrë që të mos bëjë siç bënte zoti Basha”, u shpreh ajo në emisionin “Debat”.

Gjithashtu ekspertja e komunikimit dha edhe një mesazh për Partinë Demokratike dhe për kryetarin e saj Sali Berishën.

Ajo kërkoi që PD-ja t’i dëgjojë më shumë kritikat dhe ta marrë veten sa më shpejt.

“Dhe një koment. Pse është e rëndësishme që opozita, PD-ja ta marrë veten sepse i duhet shoqërisë në radhë të parë, u duhet qytetarëve. Bën më të përgjegjshme qeverinë dhe sigurisht bën më të përgjegjshme PS-në sepse sot qeveriset apo drejtohet në mënyrë autokratike. Duket sikur çdo vendim atje e merr kryetari, Edi Rama. Është zhdukur dhe aty demokracia e brendshme. Ministrat zgjidhen në ekran, kemi parë që edhe qajnë aty kur dëgjojnë emrat. PD duhet realisht ta marrë veten, përtej kritikave që ne bëjmë. PD dhe lidershipi dhe drejtuesit duhet t’i dëgjojnë se ne i duam fort”, nënvizoi Erla Mëhilli./ B.A. – CNA.al





Lajmet e fundit nga