web counter
LEXO PA REKLAMA!

SHKARKO APP

App Store
Google Play

E fundit!

x

Spaho, “shuplakë” qeverisë/ Tregon abuzimin me rritjen e çmimeve

2 Qershor 2022, 21:29, Politikë CNA
Spaho, “shuplakë” qeverisë/ Tregon abuzimin me rritjen e
Deputeti i PD-së, Edmond Spaho

Ditën e djeshme, Bordi i Transparencës rriti sërish çmimin e karburantit, ndërsa është paralajmëruar se nga 6 qershori do të rriten edhe çmimet e produkteve të shportës.

Këto rritje çmimesh, deputeti i PD-së, Edmond Spaho, i shikon si një përfitim të qeverisë dhe të Bordit për më shumë të ardhura në buxhet.

Në një prononcim për CNA.al, Spaho tha se krijimi i Bordit të Transparencës shtoi mundësinë e abuzimit në mënyrë ligjore.

“Bordet nuk janë për të kontrolluar rritjen e çmimeve. Bordet, ku bëjnë pjesë përfaqësuesit e shoqatave kartele, krijojnë mundësi për të abuzuar në kurriz të qytetarëve në mënyrë ligjore dhe me bekimin e qeverisë. Të dyja palët fitojnë, pasi çmimet e larta do të thotë më shumë të ardhura në buxhet. Të gjitha fitimet e të dyja palëve paguhen nga xhepat e qytetarëve”, u shpreh deputeti demokrat për CNA.al.

Deklaratat e kryeministrit Edi Rama, ai i shikon si justifikime, pasi pretendon se ne paguajmë çmimin më të lartë të energjisë elektrike në rajon.

“Vetëm në Shqipëri ndodh që qeveria të fitojë nga rritja e çmimeve dhe të mos u kthejë së paku një pjesë të fitimit në formën e mbështetjes direkte financiare. Kryeministri 'justifikohet' me mosrritjen e çmimit të energjisë elektrike. E vërteta qëndron ndryshe. Ne paguajmë çmimin më të lartë të energjisë elektrike në rajon dhe kostoja e saj zë 12% të të ardhurave të çdo familjeje shqiptare”, theksoi deputeti.

I pyetur nga CNA.al nëse rritja e çmimeve e dërgon vendin në krizë ekonomike, Spaho deklaroi se kriza në Shqipëri është ulur këmbëkryq.

“Kriza është shtruar këmbëkryq, çmimet në qiell, pagat në tokë, njerëzit ikin në emigracion, askush nuk ngre zërin, të rinjtë rrinë në kafe”, nënvizoi deputeti./ B.A - CNA.al





Lajmet e fundit nga