LEXO PA REKLAMA!

SHKARKO APP

App Store
Google Play

Begaj përballë Dvoranit, Bregut dhe Ina Ramës/ Zbardhen debatet në Kryesinë e PS-së

3 Qershor 2022, 22:16, Politikë CNA
Begaj përballë Dvoranit, Bregut dhe Ina Ramës/ Zbardhen debatet
Selia e Partisë Socialiste

Zbardhen debatet që u zhvilluan mes socialistëve në mbledhjen që u mbajt sot në Kryesinë e PS-së, nga ku doli emri i kandidatit për Presidentin e ri të Republikës.

Emri i Bajram Begajt ka sjellë përplasje mes socialistëve, pasi disa prej tyre kanë dashur që në Krye të Shtetit të vendosnin Ardian Dvoranin, një emër jo pak i lakuar në media për këtë post.

Dvorani ka qenë shumë afër përzgjedhjes, por kandidatura e tij është rrëzuar poshtë me argumentin se i duhet sistemit të drejtësisë. Me të njëjtin argument është hedhur poshtë edhe propozimi për ish-kryeprokuroren Ina Rama.

Një emër më potencial që u përfol dhe që ‘ndezi gjakrat’ mes socialistëve ka qenë ai i ish-ministres dhe ish-deputetes së PD-së, Majlinda Bregu. Mirëpo disa prej anëtarëve të PS-së kanë kundërshtuar kandidaturën e saj dhe të Nevila Nikës.

Emri i Gjeneralit Bajram Begaj ka qenë ai që bëri bashkë socialistët, të cilët më pas e prezantuan si kandidat zyrtar për Kreun e Shtetit.

Mirëpo, ende pa u zgjedhur, mediat kanë publikuar lajme lidhur me implikimin e Gjeneralit në afera korruptive.

Ish-ministri dhe deputeti i PD-së, Genc Pollo, ka denoncuar para një viti aferën korruptive për privatizimin e dy bazave të Flotës Detare, konkretisht privatizimin e Limionit dhe i Kepit të Palit.

Gjithashtu mediat bëjnë të ditur se Bajram Begaj, rezulton të jetë kallëzuar në SPAK në prill të vitit 2021. Kallëzimin e ka bërë Artur Meçollari, një tjetër emër i njohur në radhët e Forcave të Armatosura dhe pjesë e grupit negociator për çështjen e detit me Greqinë. Shefi i ushtrisë shqiptare akuzohet për “shpërdorim detyre” lidhur me dhënien e pronave të ushtrisë për klientët e qeverisë.  / B.A. – CNA.al

Lajmet e fundit nga